ଭୁବନେଶ୍ୱର,୧୭ା୨(ଏକ୍ସକ୍ଲ୍ୟୁସିଭ): ଯାହାକୁ ଦେଖିଲା ଗୋଡାଇଲା । ମଣିଷ ହୁଅନ୍ତୁ ଅବା କୁକୁର । କାହାରିକୁ ତ୍ରାହି ଦେଲା ନାହିଁ । ବିଚ୍ ରାସ୍ତାରେ ଦୌଡି ପାଖାପାଖି ଘଂଟାଏ କାଳ ତାଣ୍ଡବ ରଚିଲା । ପରିସ୍ଥିତି ଏପରି ହେଲା ଯେ ଭୟରେ ଲୋକେ କେହି ଘରୁ ବାହାରିଲେ ନାହିଁ ।
ରାସ୍ତାକୁ ପଳାଇ ଆସିଥିବା ଲୋକେ ତ’ ଗାଡିମୋଟର ଫିଙ୍ଗି ଜୀବନ ବଂଚାଇବା ଲାଗି ଦୌଡି ପଳାଇଲେ । କାରଣ ଫୁଲ ମୁଡରେ ମାତିଥିଲା ହାତୀ । ଏଭଳି ଏକ ଘଟଣା ଭୋର ୫ଟା ନଜରକୁ ଆସିଛି କସମପଲ୍ଲୀ ଛକରେ । ଯାହାର ଏକ୍ସକ୍ଲ୍ୟୁସିଭ ସିସିଟିଭି ଭିଡ଼ିଓ ଲାଗିଛି ଏଟିଆର ନ୍ୟୁଜ ହାତରେ । ଶୁକ୍ରବାର ଘାଟିକିଆରେ ଏକ ଦନ୍ତା ବନ ବିଭାଗକୁ ପାଣି ପିଆଇଥିବା ବେଳେ କସମପଲ୍ଲୀରେ ସ୍ଥାନୀୟ ଲୋକଙ୍କୁ ଆଜି ନାକେଦମ କରିଛି ହାତୀ ।
ବାରମ୍ବାର ହାତୀ ସହରମୁହାଁ ହେଉଥିବା ନେଇ ଲୋକଙ୍କ ମଧ୍ୟରେ ଏବେ କୋକୁଆ ଭୟ ଖେଳିଯାଇଛି । ଛୋଟ ପିଲାଙ୍କୁ ନେଇ ଲୋକେ ଭୟଭିତ ହୋଇପଡିଛନ୍ତି । ଏହା ଉପରେ ବନବିଭାଗ ଅଧିକାରୀ ଦୃଷ୍ଟି ଦେବାକୁ ଦାବି ହୋଇଛି ।
