ଭୁବନେଶ୍ୱର(ଏଟିଆର ବ୍ୟୁରୋ): ଟେଲିଭିଜନ ଦୁନିଆର ବେଶ ଜଣାଶୁଣା ଅଭିନେତ୍ରୀ ରୀତା ଭାଦୁଡି ଆଉ ନାହାନ୍ତି । ସକାଳୁ ତାଙ୍କର ପରଲୋକ ହୋଇଯାଇଛି । ମୃତ୍ୟୁ ବେଳକୁ ତାଙ୍କୁ କେବଳ ୬୩ ବର୍ଷ ବୟସ ହୋଇଥିଲା । ବହୁଦିନ ଧରି ସେ କୀଡନୀ ରୋଗରେ ଆକ୍ରାନ୍ତ ଥିଲେ । ତାଙ୍କ ମୃତ୍ୟୁକୁ ନେଇ ବଲିଉଡ ଦୁନିଆରେ ଶୋକର ଛାୟା ଖେଳିଯାଇଛି ।
ଗତ ୧୦ ଦିନ ଧରି ମୁମ୍ବାଇର ସୁଜନ ହସ୍ପିଟାଲରେ କିଡନୀ ସମସ୍ୟା ନେଇ ଭର୍ତ୍ତି ହୋଇଥିଲେ ରୀତା । ୧୯୫୫ ମସିହା ନଭେମ୍ବର ୪ରେ ରୀତା ଲକ୍ଷେ୍ନøରେ ଜନ୍ମ ଗ୍ରହଣ କରିଥିଲେ ।
‘ନିମକ୍ ମୁଖିଆ’ ନାମର ପ୍ରାସାରିତ ଏକ ଧାରାବାହିକରେ ମୁଖ୍ୟ ଭୂମିକାରେ ନଜର ଆସୁଥିଲେ ରୀତା । ଏହା ବ୍ୟତୀତ ଅଭିନେତ୍ରୀ ରୀତା ୭୦ ଓ ୯୦ ଦଶକର ବଲିଉଡ ଫିଲ୍ମରେ ମଧ୍ୟ କାମ କରିଛନ୍ତି । ଏହାବାଦ ୩୦ରୁ ଅଧିକ ମେଗା ଧାରାବାହିକରେ ମଧ୍ୟ ଅଭିନୟ କରିସାରିଛନ୍ତି ।
