ଭୁବନେଶ୍ୱର (ଏଟିଆର ବ୍ୟୁରୋ ) ; ଜଳିଗଲା ବାୟୁସେନାର ଲଢୁଆ ବିମାନ । ଅଳ୍ପକେ ବର୍ତ୍ତିଗଲେ ପାଇଲଟ । ଭାରତୀୟ ବାୟୁସେନାର ଗୋଟେ ଗୋଟେ ଲଢୁଆ ବିମାନ ଦୁର୍ଘଟଣା ଗ୍ରସ୍ଥ ହେବାରେ ଲାଗିଛି । ଯାହାକୁ ନେଇ ଏବେ ସବୁଠି ଚର୍ଚ୍ଚା । ରାଜସ୍ଥାନର ଯୋଧପୁର ଠାରେ ଆଜି ସକାଳ ସମୟରେ ଭାରତୀୟ ବାୟୁସେନାର Mig ୨୭ ଲଢୁଆ ବିମାନ ଦୁର୍ଘଟଣା ଗ୍ରସ୍ଥ ହୋଇଛି । ଆଜି ସକାଳେ ଯୋଧପୁର ନିକଟ ଦେବଲିଆ ଗ୍ରାମ ନିକଟରେ ବାୟୁସେନା Mig ୨୭ ବିମାନଟି ଦୁର୍ଘଟଣା ଗ୍ରସ୍ଥ ହୋଇ ଖସି ପଡିଥିଲା । ପରେ ବିମାନଟି ସମ୍ପୁର୍ଣ୍ଣ ଜଳିଯାଇଥିଲା । ତେବେ ଦୁର୍ଘଟଣାରେ କେହି ମୃତାହତ ହୋଇନଥିବା ଜଣା ପଡିଛି । ପାଇଲଟ ସମ୍ପୁର୍ଣ୍ଣ ଠିକ ଥିବା ଜଣା ପଡିଛି ।
ଭାରତୀୟ ବାୟୁସେନାର Mig ୨୭ ଲଢୁଆ ବିମାନ ଦୁର୍ଘଟଣା ଗ୍ରସ୍ଥ ହେବାର ଖବର ପାଇ ବାୟୁସେନାର ଅଧିକାରୀ ମାନେ ଘଟଣା ସ୍ଥଳରେ ପହଞ୍ଚିଛନ୍ତି । ଦୁର୍ଘଟଣାର କାରଣ ସ୍ପଷ୍ଟ ଭାବେ ଜଣା ପଡିନଥିବା ବେଳେ ଘଟଣା ର ତଦନ୍ତ କରାଯିବ ବୋଲି ବାୟୁସେନାର ଅଧିକାରୀ କହିଛନ୍ତି । ସେପଟେ ବାରମ୍ବାର ବାୟୁସେନାର ବହୁ ଲଢୁଆ ବିମାନ ଗୁଡିକ ଦୁର୍ଘଟଣା ଗ୍ରସ୍ଥ ହେଉଥିବାରୁ ବାୟୁସେନା ଅଧିକାରୀଙ୍କ ଚିନ୍ତା ବଢାଉଛି ।
