ଭୁବନେଶ୍ୱର,(ଏଟିଆର ବ୍ୟୁରୋ): ବାପୁଜୀନଗରର ରେଷ୍ଟ୍ରୁରାଣ୍ଟ ଉପରେ ହୋଇଥିବା ବୋମା ମାଡ଼ ଘଟଣାରେ ପୁଲିସ ୨ଜଣଙ୍କୁ ଗିରଫ କରିଛି । ସେମାନେ ହେଲେ ଏୟାରଫିଲ୍ଡ ଅଞ୍ଚଳର ପ୍ରଦୀପ୍ତ ସାହୁ ଓ ଚନ୍ଦ୍ରଶେଖରପୁର ଅଞ୍ଚଳର ବିଶ୍ୱରଞ୍ଜନ ପତି । ତେବେ ପୂର୍ବ ଶତ୍ରୁତାକୁ ନେଇ ଏହି ବୋମାମାଡ଼ ହୋଇଥିବା ଜଣାପଡିଛି ।
ଗତ ୨ଦିନ ତଳେ ରାତି ପ୍ରାୟ ସାଢ଼େ ୯ ବେଳେ ଅଭିଯୁକ୍ତ ଦ୍ୱୟ ବାପୁଜୀନଗରର ଫୁଡ ଜଂକସନ ଉପରକୁ ହଠାତ ବୋମାମାଡ଼ କରିଥିଲେ । ପ୍ରଚଣ୍ଡ ଶବ୍ଦ ସାଙ୍ଗକୁ ଚାହୁଁଚାହୁଁ ପୂରା ଏରିଆ ବିି ଧୂଆଁମୟ ହୋଇଯାଇଥିଲା । ଯିଏ ଯୁଆଡେ ପାରିଥିଲେ ଜୀବନ ବିକଳେ ଦୌଡିଲେ । ଘଟଣାରେ ରେଷ୍ଟ୍ରୁରାଣ୍ଟ ମ୍ୟାନେଜର ସାମାନ୍ୟ ଆହତ ମଧ୍ୟ ହୋଇଥିଲେ । ତେବେ କ୍ୟାପିଟାଲ ଥାନା ଭଳି ହାଇସିକ୍ୟୁରିଟି ଜୋନରେ ଏମାନଙ୍କ ଏଭଳି ତାଣ୍ଡବକୁ ସହଜରରେ ଗ୍ରହଣ କରିପାରନଥିଲା ପୁଲିସ । ଆରମ୍ଭ କରିଥିଲା ଖୋଳତାଡ । ସିସିଟିଭି ଜରିଆରେ ଏମାନଙ୍କୁ ଠାବ କରିବା ପରେ ଧରିବା ଲାଗି ବିଛାଯାଇଥିଲା ଜାଲ ।
