ଭୁବନେଶ୍ୱର,୬ା୨/(ବ୍ୟୁରୋ): ଯାହା ସ୍ୱର ଶୁଣିଲେ ଷ୍ଟେଜ୍ ଥରେ । ଯାହା ଗୀତ ଶୁଣିବା ଲାଗି ଯୁବଗୋଷ୍ଠୀ ଛକାପଞ୍ଝା ଲାଗନ୍ତି । ସେହି ଯୁବକଣ୍ଠ ଶିଳ୍ପୀ ହ୍ୟୁମାନ ସାଗର ଆଉ ନାହାନ୍ତି । ଏକ ଦୁର୍ଘଟଣାରେ ତାଙ୍କର ମୃତ୍ୟୁ ହୋଇଛି । ମଙ୍ଗଳବାର ସନ୍ଧ୍ୟାରେ ଅଚାନକ୍ ଏମିତି ଏକ ସୂଚନା ଭାଇରାଲ ହୋଇଥିଲା । ଯାହାକୁ ନେଇ କେବଳ ଭୁବନେଶ୍ୱର କି’ କଟକ ନୁହେଁ ପୂରା ଓଡିଶା ହଲଚଲ ହୋଇଥିଲା । ସଗୀଂତ ପ୍ରେମୀକୁ ଏପରି ଖବର ଶକ୍ତ ଧକ୍କା ଦେଇଥିଲା । କେମିତି ଓ କିଭଳି ଘଟଣାର ସତ୍ୟସତ୍ୟ ଜାଣିବେ ସେନେଇ ଏକ ପ୍ରକାର ପ୍ରତିଯୋଗିତା ଲାଗିଥିଲା ହ୍ୟୁମାନସାଗରଙ୍କ ଫ୍ୟାନ୍ସ ମଧ୍ୟରେ । ତେବେ ଏହା ସମ୍ପୂର୍ଣ୍ଣ ମିଛ ବୋଲି ଜଣାପଡିଛି । କିଛିଦିନ ତଳେ ହାସ୍ୟ ଅଭିନେତା ଜୟୀଙ୍କ ମୃତ୍ୟୁକୁ ନେଇ ବେଶ୍ ଚର୍ଚ୍ଚା ଜୋର ଧରିଥିଲା । ବାରମ୍ବାର କଳାକାରଙ୍କୁ ଏମିତି ହତାଶ କରିବା ଆଦୌ ଶୁଭଙ୍କର ନୁହଁ ବୋଲି ମତ ପ୍ରକାଶ ପାଇଛି ।
