କଟକ (ଏଟିଆର ବ୍ୟୁରୋ ) ; ଲାଇନଚ୍ୟୁତ ହେଲା ଫାଲକନାମା ଏକ୍ସପ୍ରେସ । ସିକନ୍ଦରାବାଦ ରୁ ହାୱଡ଼ା ଯାଉଥିବା ଫାଲକନାମା ଏକ୍ସପ୍ରେସ ଆଜି କଟକ ଜିଲ୍ଲା ନିଗୁଣ୍ଡି ଷ୍ଟେସନ ନିକଟରେ ଲାଇନଚ୍ୟୁତ ହେଇଥିବା ସୂଚନା ମିଳିଛି । ନିଗୁଣ୍ଡି ଷ୍ଟେସନ ଠାରୁ ମାତ୍ର ୫୦୦ ମିଟର ପରେ ଟ୍ରେନ ଟି ଲାଇନଚ୍ୟୁତ ହୋଇଥିବାର ଜଣାପଡିଛି । ତେବେ ସବୁଠାରୁ ବଡ କଥା ଯେ ଟ୍ରେନଟି ଲାଇନଚ୍ୟୁତ ହେବା ପରେ ପାଖାପଖି ୪ କିଲୋମିଟର ପର୍ଯ୍ୟନ୍ତ ଘୁଷୁଡି ଘୁଷୁଡି ଚାଲିଯାଇଥିଲା । ସେପଟେ ଟ୍ରେନର ପଛରେ ଥିବା ଗାର୍ଡ କମ ଲଗେଜ ବଗିଟି ଲାଇନଚ୍ୟୁତ ହୋଇଛି । ତେବେ ଏଥିରେ କେହି ମୃତାହତ କି କାହାର କ୍ଷୟକ୍ଷତି ହୋଇନଥିବା ଜଣାପଡିଛି । ଘଟଣାସ୍ଥଳେ ତଦନ୍ତ ଜାରି ରହିଛି ।
