ଭୁବନେଶ୍ୱର,(ଏଟିଆର ବ୍ୟୁରୋ): ଓଡିଶା କୃଷକ ସାଥୀ ସଂଘର ନୂତନ କର୍ମକର୍ତ୍ତା ଚୟନ ଅନୁଷ୍ଠିତ ହୋଇଯାଇଛି । ଭୁବନେଶ୍ୱର ଆଇଜି ପାର୍କରେ ଅନୁଷ୍ଠିତ ହୋଇଥିବା ସଭାରେ ପୂର୍ବତନ ସାଧାରଣ ସମ୍ପାଦକ ସନ୍ତୋଷ କୁମାର ବେହେରା ଅଧ୍ୟକ୍ଷତା କରିଥିଲେ ।
ବୈଠକରେ ସୁଶାନ୍ତ କୁମାର ଜେନାଙ୍କୁ ସଭାପତିତ୍ୱ କରିବା ଲାଗି ଦାୟିତ୍ୱ ଦିଆଯାଇଥିଲା । ଏହାପରେ ବିଭିନ୍ନ ସମସ୍ୟା ସମ୍ପର୍କରେ ଆଲୋଚନା କରାଯାଇଥିଲା । ତେବେ ପୂର୍ବରୁ ଥିବା ସିଆଇଟିୟୁକୁ ଛାଡି ଏହି ନୂତନ କମିଟି ଗଢ଼ା ଯାଇଥିବା ଜଣାପଡିଛି । ଏଥିରେ କମିଟିର କାର୍ଯ୍ୟକାରୀ ସଭାପତି ଅମୁଲ୍ୟ କୁମାର କର, ସାଧାରଣ ସମ୍ପାଦକ ଜିତେନ୍ଦ୍ର ସାହୁ, କୋଷାଧ୍ୟକ୍ଷ ଚକ୍ରଧର ବାରିକ ମନୋନିତ ହୋଇଛନ୍ତି ।
ଅନ୍ୟମାନଙ୍କ ମଧ୍ୟରେ ନିଳକଣ୍ଠ ଦଳେଇ, କାଳନ୍ଦି ପ୍ରଧାନ, ଭାଗିରଥୀ ବଡଜେନା,ଶ୍ରୀନିବାସ ଛୋଟରାୟ, କୃଷ୍ଣଚନ୍ଦ୍ର ପରିଡା, ଆଦିତ୍ୟ କୁମାର ରଥ, ତାପସ କୁମାର ସ୍ୱାଇଁ ପ୍ରମୁଖ ଉପସ୍ଥିତ ଥିଲେ ।
