ନୂଆଦିଲ୍ଲୀ (ଏଟିଆର ବ୍ୟୁରୋ ) ; ଦୁର୍ଘଟଣାଗ୍ରସ୍ତ ହୋଇ ଜଳିଗଲା ଯାତ୍ରୀବାହୀ ହେଲିକପ୍ଟର । ଚାଲିଗଲା ୬ ଜୀବନ । ଏଭଳି ଅଭାବନୀୟ ଘଟଣା ନେପାଳର ପାର୍ବତ୍ୟ ଅଞ୍ଚଳରେ ଘଟିଛି । ଦୁର୍ଘଟଣାଗ୍ରସ୍ତ ହେଲିକପ୍ଟରରେ ୭ ଜଣଥିଲେ ବୋଲି ଜଣାପଡିଛି । ତେବେ ସେମାନଙ୍କ ମଧ୍ୟରୁ ୬ ଜଣକର ମୃତ୍ୟୂ ହୋଇଥିବା ଖବର ଆସିଛି । ଦୁର୍ଘଟଣା ସ୍ଥଳରେ ପୋଲିସ ଓ ସେନା ପକ୍ଷରୁ ମିଳିତ ଭାବେ ଖୋଜାଖୋଜି ଜାରି ରଖାଯାଇଛି । ସେପଟେ ଦୁର୍ଘଟଣା ଘଟିବାପରେ ହେଲିକପ୍ଟର ସମ୍ପୁର୍ଣ୍ଣ ଜଳି ଯାଇଥିବା ଜଣାପଡିଛି । ଜଙ୍ଗଲ ଓ ପାହାଡିଆ ଅଞ୍ଚଳରେ ହେଲିକପ୍ଟର ଟି ଦୁର୍ଘଟଣା ଘଟିଥିବାରୁ ଉଦ୍ଧାର କାର୍ଯ୍ୟ ରେ ବିଳମ୍ବ ହୋଇଥିଲା । ତେବେ ମୃତ ୬ ଜଣକ ମଧ୍ୟରେ ଜଣେ ଜାପାନୀ ପର୍ବତ ଆହୋରଣକାରୀ ରହିଥିବା ଜଣା ପଡିଛି ।
ଆଜି ସ୍ଥାନୀୟ ଗୋରଖ ଅଞ୍ଚଳରୁ ହେଲିକପ୍ଟରଟି ଉଡାଣ ଭରି କାଠମାଣ୍ଡୁ ଅଭିମୁଖେ ଯାତ୍ରା ଆରମ୍ଭ କରିଥିଲା । ଉଡାଣ ଭରିବାର କିଛି ସମୟ ପରେ ଏହା ଏୟାର ଟ୍ରାଫିକ କଣ୍ଟ୍ରୋଲ ରୁମ ସହ ସମ୍ପର୍କ ବିଛିନ୍ନ କରିଥିଲା । ତେବେ ପରେ ଏହି ହେଲିକପ୍ଟରଟି ଦୁର୍ଘଟଣାଗ୍ରସ୍ତ ହୋଇଥିବା ଜଣା ପଡିଛି । ଏହି ଦୁର୍ଘଟଣାରେ ଆଉ ଦୁଇ ଜଣକୁ ଖୋଜାଖୋଜି କରୁଛି ପୋଲିସ ।
