ବ୍ରହ୍ମପୁର,(ଏଟିଆର ବ୍ୟୁରୋ): ଗଛ ଉପାଡିବାକୁ କେନ୍ଦ୍ରକରି ଗଞ୍ଜାମ ଜିଲ୍ଲା ପାଟପୁର ଅଞ୍ଚଳରେ ଏକ ଅଭାବନୀୟ ଘଟଣା ଘଟିଛି । ସାନ ଭାଇର ଆକ୍ରମଣରେ ବଡ଼ ଭାଇ ସବୁଦିନ ଲାଗି ଆଖି ବୁଜିଛନ୍ତି । ମୃତ ବ୍ୟକ୍ତିଙ୍କ ନାଁ ନାଥୁ ମଲିକ । ପୁଲିସ ମୃତଦେହକୁ ବଜତ କରିବା ସହ ଘଟଣାର ତଦନ୍ତ ଆରମ୍ଭ କରିଛି ।
ମିଳିଥିବା ରିପୋର୍ଟ ଅନୁସାରେ, ୍ପାଟପୁର ଥାନା ପଦ୍ମପୁର ଅଞ୍ଚଳରେ ରହନ୍ତି ନାଥୁ ମଲିକ । ତେବେ ଆଜି ସକାଳେ ତାଙ୍କ ସାନ ଭାଇ ଉଦୟ ଘର ପାଖରେ ଥିବା ଏକ ସାଗୁଆନ ଗଛ ସହ କାଙ୍କଡ଼ ଗଛ ଉପାଡି ଦେଇଥିଲା । ନାଥୁ ଏନେଇ କାରଣ ପଚାରିବାରୁ ଆରମ୍ଭ ହୋଇଥିଲା ଯୁକ୍ତିତର୍କ । ପରେ ଉତ୍ତକ୍ଷିପ୍ତ ହୋଇ ଉଦୟ ବଡ଼ଭାଇ ନାଥୁ ମଲିକଙ୍କ ତଣ୍ଟି ଚିପି ଦେଇଥିଲେ । ଗୁରୁତର ଅବସ୍ଥାରେ ଯଦିଓ ନାଥୁଙ୍କୁ ହସପିଟାଲ ନିଆଯାଇଥିଲା ସେଠାରେ କିନ୍ତୁ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ ।
