ଭୁବନେଶ୍ୱର(ଏଟିଆର ବ୍ୟୁରୋ): ଓଲିଉଡ ଜଗତର ହାସ୍ୟ ଅଭିନେତା ଗୁଡ୍ଡୁ କରୋନା ସଂକ୍ରମିତ ହୋଇଛନ୍ତି । ଗୁଡ୍ଡୁ କହିଛନ୍ତି ୪ରୁ ୫ ଦିନ ହେବ ପ୍ରତି ସନ୍ଧ୍ୟାରେ ୭ଟାରୁ ୮ଟା ପର୍ୟ୍ୟନ୍ତ ଜ୍ୱର ଆସୁଥିଲା । ଔଷଧ ଖାଇବା ପରେ ଛାଡ଼ି ଯାଉଥିଲା । ମଙ୍ଗଳବାର ସନ୍ଧ୍ୟାରେ ଜୋର୍ରେ ଜ୍ୱର ଆସିବା ସହ ଛାତିରେ ଯନ୍ତ୍ରଣା ଅନୁଭବ ହୋଇଥିଲା । ସରକାରଙ୍କ ହେଲ୍ପଲାଇନ୍ ଏବଂ ବିଏମ୍ସିକୁ ଫୋନ୍ କରିବା ପରେ ଠିକ ଭାବେ ଯୋଗାଯୋଗ ହୋଇପାରି ନଥିଲା । ଶେଷରେ କୌଣସି ଉପାୟ ନପାଇ ଏକ ଘରୋଇ ହସ୍ପିଟାଲ୍ରେ ଭର୍ତ୍ତି ହୋଇଥିଲେ । ବର୍ତ୍ତମାନ ତାଙ୍କ ସ୍ୱାସ୍ଥ୍ୟରେ କିଛି ମାତ୍ରାରେ ସୁଧାର ଆସିଛି ଓ ସେ ସୁସ୍ଥ ଅଛନ୍ତି । ଯେଉଁମାନେ ତାଙ୍କ ସଂସ୍ପର୍ଶରେ ଆସିଛନ୍ତି ସେମାନେ କରୋନା ଟେଷ୍ଟ କରାଇ ନିଅନ୍ତୁ ବୋଲି ସେ କହିଛନ୍ତି ।
