ଭୁବନେଶ୍ୱର,(ଏଟିଆର ବ୍ୟୁରୋ): ନୟାପଲ୍ଲୀ ଥାନା ପୁଲିସକୁ ବଡ଼ ସଫଳତା । ଡକାୟତୀ ଯୋଜନା କରୁଥିବା ବେଳେ ଏକ ଗ୍ୟାଙ୍ଗକୁ ଠାବ କରାଯାଇଛି । ଗ୍ୟାଙ୍ଗରେ ରହିଛନ୍ତି ୭ଜଣ ପେଶାଦାର ଅପରାଧୀ । ଏମାନଙ୍କ ପାଖରୁ ପୁଲିସ କଟୁରୀ, ଛୁରୀ, ଲୁହାରଡ, ଲଙ୍କାଗୁଣ୍ଡ ଓ କ୍ଷୁର ଆଦି ଜବତ କରିଛି । ବିଳମ୍ବିତ ରାତିରେ ଏମାନେ ଡାକୟତ ଯୋଜନା କରୁଥିଲେ ।
ଏନେଇ ସୂଚନା ମିଳିବା ପରେ ଅଚାନକ ପୁଲିସ ସେଠାରେ ଚଢ଼ାଉ କରିଥିଲା । ଗିରଫ ଅଭିଯୁକ୍ତମାନେ ହେଲେ କାଶିନାଥ ପାତ୍ର, ଗଙ୍ଗା ରେଡ୍ଡୀ, ଜିତେନ୍ଦ୍ର ପ୍ରଧାନ, ସଂଜୟ ଦାସ,ବିଶ୍ୱଜିତ ଦାସ, ସୁମନ୍ତ ଦିଗାଲ ଓ କାଶିନାଥ ରେଡ୍ଡୀ । ଏହି ଗ୍ୟାଙ୍ଗ ଢ଼େରଦିନ ହେବ ସକ୍ରୀୟ ରହିଥିଲା । ପୁଲିସ ରିପୋର୍ଟ ଅନୁସାରେ, ଏମାନେ ବିଳମ୍ବିତ ରାତିରେ ନୟପାଲ୍ଲୀ ହାତିଆଶୁଣି ବସ୍ତ ଅଞ୍ଚଳରେ ଡକାୟତୀ କରିବା ଲାଗି ଯୋଜନା କରୁଥିଲେ । ସମସ୍ତେ ପ୍ରାୟ ଛିନତାଇ ଓ ଲୁଟପାଟରେ ଓସ୍ତାଦ ।
