ଭୁବନେଶ୍ୱର,(ଏଟିଆର ବ୍ୟୁରୋ): ଢ଼େରଦିନ ହେବ ରାଜଧାନୀରେ ଆତଙ୍କ ରିଚିଥିବା ଏକ ଡକାୟତୀ ଗ୍ୟାଙ୍ଗକୁ ଠାବ କରାଯାଇଛି । କମିଶନରେଟ ପୁଲିସ ଠାବ କରିଥିବା ଏହି ଗ୍ୟାଙ୍ଗ ପାଖରୁ ୫ଟି ଚୋରା ବନ୍ଧୁକ ସମେତ ଗୁଳି ଓ ମୋବାଇଲ ଜବତ ହୋଇଥିବା ସୂଚନା ମିଳିଛି । ଗିରଫ ଅଭିଯୁକ୍ତଙ୍କ ନାମରେ ଏକାଧିକ ମାମଲା ରହିଥିବା ବେଳେ ସେମାନେ ପୁଲିସ ପାଇଁ ମୋଷ୍ଟୱାଷଣ୍ଟଡ ଥିଲେ ।
ସମସ୍ତେ ପେଶାଦାର ଅପରାଧୀ ବୋଲି ଜଣାପଡିଛି । ଗ୍ୟାଙ୍ଗର ୭ଜଣ ଏବେ ପୁଲିସ ଖୁଆଡରେ ଥିବା ବିଶ୍ୱସ୍ତ ସୂତ୍ରରୁ ଖବର ମିଳିଛି । ତେବେ ଏମାନେ ରାଜଧାନୀରେ ଏକ ବଡ଼ ଧରଣର ଡକାୟତୀ ଯୋଜନା କରିବା ଲାଗି ବ୍ଲୁପ୍ରିଣ୍ଟ ପସ୍ତୁତ କରୁଥିଲେ । ଯାହାର ଆଭାସ ପାଇଥିଲା ସ୍ପେଶାଲ ସ୍କ୍ୱାଡ । ଅଚାନକ ଚଢ଼ାଉ କରି ସେମାନଙ୍କୁ କାବୁ କରିଛି । ଏମାନଙ୍କ ନେଟୱାର୍କ କେତେବାଟ ଲମ୍ବିଛି ସେନେଇ ଖୋଳତାଡ ଜାରି ରହିଥିବା ସୂଚନା ମିଳିଛି । ସବୁଠୁ ଗୁରୁତ୍ୱପୂର୍ଣ୍ଣ କଥା ହେଉଛି ଗିରଫ ଅଭିଯୁକ୍ତଙ୍କ ମଧ୍ୟରେ ଜଣେ ବନ୍ଧୁକ ବେପାରି ଥିବା ଜଣାପଡିଛି ।
