କଟକ (ଏଟିଆର ବ୍ୟୁରୋ ) ; ଟ୍ରକରେ ପିଟି ହେଲା କାର । ଚାଲିଗଲା ୪ ଜୀବନ । ଏଭଳି ଅଭାବନୀୟ ଘଟଣା କଟକ ଜିଲ୍ଲା ସାଲେପୁର ନିକଟ ଭୈରୀପୁର ଠାରେ ଘଟିଛି । ସୂଚନା ଅନୁସାରେ , ଗତକାଲି ବିଳମ୍ବିତ ରାତିରେ ସାଲପେୁର ନିକଟ ଭୈରୀପୁର ଠାରେ ଟ୍ରକ ପଛପଟେ ଏକ କାର ପିଟି ହୋଇଥିଲା । ସେହି କାରରେ ସିମ୍ବଲପଡ଼ା ଥାନା ଅନ୍ତର୍ଗତ ପିକାର ଗାଁର କିଛି ୬ ଜଣ ଭୁବନେଶ୍ୱର ଅଭିମୂଖେ ଯାଉଥିଲେ । ତେବେ ଦୁର୍ଘଟଣା ସ୍ଥଳେ ୩ ଜଣଙ୍କ ମୃତ୍ୟୁ ହୋଇଥିବା ବେଳେ ଜଣକୁ ଗୁରୁତର ଅବସ୍ଥାରେ କଟକ ବଡ ଡାକ୍ତରଖାନାରେ ଭ଼ର୍ତ୍ତୀ କରାଯାଇଥିଲା । ସେଠାରେ ତାଙ୍କର ମୃତ୍ୟୁ ହୋଇଥିବା ଜଣା ପଡିଛି । ତେବେ ମୃତକ ମାନେ ଶେର୍ ଅଲି, ତାଙ୍କ ସ୍ତ୍ରୀ ଅଲିଜା ବିୱି, ପୁଅ ଶେଖ୍ ସିରାଜ ଓ ପୁତୁରା (ବଡ଼ ଭାଇଙ୍କ ପୁଅ) ସନୱାର ଅଲି ବୋଲି ଜଣାପଡିଛି ।
ସେପଟେ ଏହି ଦୁର୍ଘଟଣାରେ ଆଉ ଦୁଇଜଣ ମଧ୍ୟ ଆହତ ହୋଇଛନ୍ତି । ସେମାନଙ୍କ ମଧ୍ୟରୁ ଜଣେ କଟକ ମେଡିକାଲରେ ଭର୍ତ୍ତୀ ହୋଇ ଡିସଚାର୍ଜ ହୋଇସାରିଥିବା ବେଳେ ଆଉ ଜଣଙ୍କର ଚିକିତ୍ସା ଚାଲୁ ରହିଥିବା ସୂଚନା ମିଳିଛି ।ସେପଟେ ଗୋଟିଏ ପରିବାରର ଚାରି ଜଣ ଏକାସଂଗେ ମୃତ୍ୟୁ ମୁଖରେ ପଡିଥିବାରୁ ଏହି ଘଟଣାକୁ ନେଇ ସ୍ଥାନୀୟ ଅଞ୍ଚଳରେ ଚାଞ୍ଚଲ୍ୟ ଖେଳିଯାଇଛି ।
