ମୁମ୍ବାଇ/ଭୁବନେଶ୍ୱର,(ଏଟିଆର ବ୍ୟୁରୋ): ଟ୍ରାଫିକ ନୀୟମ ଉଲ୍ଲଙ୍ଘନ କରିବା ଅଭିଯୋଗରେ କଣ୍ଠଶିଲ୍ପୀ ଉଦିତନାରାୟଣଙ୍କ ପୁଅ ଆଦିତ୍ୟନାରାୟଣଙ୍କୁ ପୁଲିସ ଗିରଫ କରିଛି । ତେବେ ୧୦ହଜାର ଟଙ୍କା ଜରିମାନା ଦେଇ ଜାମିନରେ ଆଦିତ୍ୟନାରାୟଣ ମୁକୁଳି ଯାଇଥିବା ସୂଚନା ମିଳିଛି । ଘଟଣାଟି ଘଟିଛି ମୁମ୍ବାଇର ଇନ୍ଦ୍ରଲୋକ ଅଟାଳିକା ସାମ୍ନାରେ ।
ରିପୋର୍ଟ ଅନୁସାରେ, କାର ନେଇ ଯାଉଥିବା ସମୟରେ ଆଦିତ୍ୟ ଟ୍ରାଫିକ ନୀୟମ ଉଲ୍ଲଙ୍ଘନ କରିବା ସହ ଏକ ଅଟୋକୁ ଧକ୍କା ଦେଇଥିଲେ । ଦୁର୍ଘଟଣାରେ ଅଟୋରେ ଥିବା କେତେକ ଯାତ୍ରୀ ଆହତ ହୋଇଥିଲେ । ଏନେଇ ଅଟୋ ଡ୍ରାଇଭରଙ୍କ ପକ୍ଷରୁ ଭେରସୋଭା ଥାନାରେ ଲିଖିତ ଅଭିଯୋଗ କରାଯାଇଥିଲା । ଅଭିଯୋଗକୁ ନେଇ ପୁଲିସ ତାଙ୍କୁ ଗିରଫ କରିଛି । ତେବେ ଗିରଫ ହେବାର କିଛି ସମୟରେ ସେ ଜାମିନରେ ମଧ୍ୟ ମୁକୁଳି ଯାଇଥିବା ସୂଚନା ମିଳିଛି ।
