ଢ଼େଙ୍କାନାଳ (ଏଟିଆର ବ୍ୟୁରୋ): ସକାଳୁ ଉଠି ବଜାର କରିବା ଲାଗି ହାଟକୁ ଯାଇଥିଲେ । ହାଟରୁ ବଜାର କରି ଆଉ ଘରକୁ ଫେରିନଥିଲେ ସିଧା ଯାଇଥିଲେ ହସ୍ପିଟାଲ । ଆଜ୍ଞା ହଁ, ଆମେ କହୁଛୁ ଢେଙ୍କାନାଳ ଜିଲ୍ଲା ବାଲିମି ଥାନା ଅଧିନରେ ଥିବା ରଞ୍ଜାଗୋଳ ଗାଁ ସଭାପତି ଲିଙ୍ଗରାଜ ସାହୁଙ୍କ ବିଷୟରେ । ଆଜି ସକାଳେ ତାଙ୍କ ଉପରକୁ ଗୁଳିମାଡ ହୋଇଛି ।
ଖବରମୁତାବକ, ଲିଙ୍ଗରାଜ ସାହୁ ଖଜୁରିଆକଟା ହାଟକୁ ସଉଦା କିଣିବା ଲାଗି ଯାଇଥିଲେ । ହଠାତ୍ କିଛି ଦୁର୍ବୁତ୍ତ ଆସି ଲିଙ୍ଗରାଜଙ୍କ ଉପରକୁ ଗୁଳିମାଡ କରିଥିଲେ । ଗୁଳିଟି ସିଧା ଯାଇ ଲିଙ୍ଗରାଜଙ୍କ ଗୋଡରେ ବାଜିଥିଲା । ଫଳରେ ସ୍ଥାନୀୟ ଲୋକେ ତାଙ୍କୁ ଗୁରୁତର ଅବସ୍ଥାରେ ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ରରେ ଭର୍ତ୍ତି କରିଥିଲେ । ଲିଙ୍ଗରାଜଙ୍କ ସ୍ୱାସ୍ଥ୍ୟବସ୍ଥା ସଙ୍କଟାପର୍ଣ୍ଣ ହେବାରୁ ତାଙ୍କୁ ପରେ କଟକ ଏସସିବି ମେଡିକାଲକୁ ସ୍ଥାନାନ୍ତର କରାଯାଇଛି ।
