ରାଇରଙ୍ଗପୁର (ଏଟିଆର ବ୍ୟୁରୋ): ମୟୁରଭଞ୍ଜ ରାଇରଙ୍ଗପୁର ସାନପୋଖନାରେ ଅଟୋ ଓ ବାଇକ ମୁହାଁ ମୁହିଁ ଧକ୍କା ହେଇଛନ୍ତି । ସୂଚନା ଅନୁସାରେ ୯ ଜଣ ପିଲାଙ୍କୁ ନେଇ ସ୍କୁଲରୁ ଘରକୁ ଆସୁଥିବା ଅଟୋ ନଂ – ଓଡି ୧୧ଇ ୭୫୦୬ ଅପର ପଟୁ ଆସୁଥିବା ଏକ ବାଇକ ସହିତ ମୁହାଁ ମୁହିଁ ଧକ୍କା ହୋଇଥିଲା । ଫଳରେ ଅଟୋଟି ରାସ୍ତା କଡକୂୁ ଓଲଟି ପଡିଥିଲା । ଯାହା ଫଳରେ ଅଟୋରେ ଥିବା ଗୋରୁମହିଶାଣି ଆଦର୍ଶ ବିଦ୍ୟାଳୟର ଆସୁଥିବା ୯ ଜଣ ଛାତ୍ରଛାତ୍ରୀଙ୍କ ମଧ୍ୟରୁ ୫ ଜଣ ଛାତ୍ର ଓ ଜଣେ ଛାତ୍ରୀ ଗରୁତର ହୋଇଛନ୍ତି । ସେହିଭଳି ଧକ୍କା ହୋଇଥିବା ବାଇକ ଚାଳକ ମଧ୍ୟ ଗୁରୁତର ଆହତ ହୋଇଛି ।
ଗରୁତର ମାନଙ୍କୁ ରାଇରଙ୍ଗପୁର ଚକିତ୍ସାଳୟରେ ଭର୍ତ୍ତି କରାଯାଇଛି । ଅଳ୍ପ ସମୟ ପାଇଁ ସେଠାରେ ସମାନ୍ୟ ଉତ୍ତେଜନା ଦେଖା ଦେଇଥିଲା, ଏବଂ ପରେ ପରିସ୍ଥିତି ସ୍ୱଭାବିକ ହୋଇଥିଲା । ତେବେ ଖୋଲା ଅଟୋରେ ବିପଦ ସଂଙ୍କୁୁଳ ଅବସ୍ଥାରେ ପିଲାମାନେ ପ୍ରତିଦିନ ଯାତାୟତ କରୁଥିବାରୁ ଏମିତି ଘଟଣା ଘଟିଥିବା ସ୍ଥାନୀୟ ଲୋକ ଅଭିଯୋଗ କରିଛନ୍ତି । ପରିବହନ ବିଭାଗ ଓ ସ୍କୁଲ କତୃପକ୍ଷ ଏଥିପ୍ରତି ଦୃଷ୍ଟ ଦେବାକୁ ସ୍ଥାନୀୟ ଲୋକ ଦାବୀ କରିଛନ୍ତି ।
