ଗଞ୍ଜାମ (ଏଟିଆର ବ୍ୟୁରୋ) ପୁଣି ବସ୍ ଦୁର୍ଘଟଣା ଗସ୍ତ । ଭାରସାମ୍ୟ ହରାଇ ଓଲଟିଲା ମିନିବସ୍ । ୧୫ ଜଣ ଯାତ୍ରୀ ଆହତ ହୋଇଛନ୍ତି । ଅଗ୍ନିଶମ କର୍ମଚାରୀ ଘଟଣାସ୍ଥଳରେ ପହଁଞ୍ଚି ଆହତ ଯାତ୍ରୀଙ୍କୁ ଉଦ୍ଧାର କରି ମେଡିକାଲରେ ଭର୍ତ୍ତି କରିଛନ୍ତି । ତେବେ ଏଭଳି ଦୁର୍ଘଟଣା ଘଟିଛି ଗଞ୍ଜାମ ଜିଲ୍ଲା କବିସୂର୍ଯ୍ୟ ନଗର ପଞ୍ଚାୟତ ସମିତି ଆଗରେ । ଆହତ ଯାତ୍ରୀମାନଙ୍କୁ କବିସୂର୍ଯ୍ୟ ନଗର ମେଡିକାଲରେ ଭର୍ତ୍ତି କରାଯାଇଛି ।
ସୂଚନା ଅନୁଯାୟୀ ଆସିକାରୁ କୋଦଳା ଯାଉଥିବା ବେସ୍ୱେସଟି ଭାରସାମ୍ୟ ହରାଇ ଡିଭାଇଡର ଉପରକୁ ଚଢ଼ି ଯାଇଥିଲା । ଫଳରେ ଦୁର୍ଘଟଣା ଘଟିଥିଲା । ଘଟଣାସ୍ଥଳରେ ଥିବା ଲୋକ ପ୍ରଥମେ ଉଦ୍ଧାର କରିଥିଲେ ଏବଂ ପରେ ଖବର ପାଇ କବିସୂର୍ଯ୍ୟନଗର ଅଗ୍ନିଶମ ବିଭାଗ କର୍ମଚାରୀ ଆସି ଆହତଙ୍କୁ ଉଦ୍ଧାର କରି ମେଡିକାଲରେ ଭର୍ତ୍ତି କରିଥିଲେ । ତେବେ ଏହି ଦୁର୍ଘଟଣା ଡ୍ରାଇଭରଙ୍କ ଅସାବଧାନତା ପାଇଁ ହୋଇଛି ବୋଲି ଅଭିଯୋଗ ହୋଇଛି । ଡ୍ରାଇଭର ମଦ ପିିଇ ଗାଡି ଚଳାଉଥିବାରୁ ଏପରି ଘଟିଥିବା କହିଛନ୍ତି ଯାତ୍ରୀ ।
