ବ୍ରହ୍ମପୁର ( ଏଟିଆର ବ୍ୟୁରୋ): ଆଜି ସକାଳୁ 5 T ସଚିବ ଭି କେ ପାଣ୍ଡିଆନ ତାରାତାରିଣୀ ମନ୍ଦିର ପରିଦର୍ଶନ କରିବା ସହିତ ବିଭିନ୍ନ ଉନ୍ନୟନ ମୂଳକ କାର୍ଯ୍ୟର ସମୀକ୍ଷା କରିଛନ୍ତି । ସଚିବ ଆଜି ମନ୍ଦିର ପରିଦର୍ଶନ ସମେତ ଗଞ୍ଜାମ ଜିଲ୍ଲାପାଳଙ୍କ ସହିତ ଏକ ବିଶେଷ ଆଲୋଚନା ମଧ୍ୟ କରିଥିଲେ ।
ସେହିଭଳି ଗଞ୍ଜାମ ପୌର ପରିଷଦ ମଧ୍ୟରେ ଥିବା ଉଚ୍ଚ ବିଦ୍ୟାଳୟ ଗୁଡିକୁ ମଧ୍ୟ ପରିଦର୍ଶନ କରି ସେଠାକାର ସ୍କୁଲ ପରିଚାଳନା ସଦସ୍ୟଙ୍କ ସହିତ ମଧ୍ୟ ଆଲୋଚନା କରିଛନ୍ତି ସଚିବ । ସୂଚନାଯୋଗ୍ୟ ରାଜ୍ୟରେ ମୋ ସରକାର ଯୋଜନା ଲାଗୁ ହେବା ପରେ 5 T ସଚିବ ବିଭିନ୍ନ ଜିଲ୍ଲାକୁ ଅଚାନକ ଗସ୍ତ କରି ସେଠାକାର ଉନ୍ନୟନ ମୂଳକ କାର୍ଯ୍ୟର ତଦାରଖ କରୁଥିବା ଦେଖା ଦେଇଛି । ତେବେ ସଚିବଙ୍କ ଏହି ଗସ୍ତ ପରେ ଲିଙ୍ଗରାଜ ମନ୍ଦିର ଓ କୋଣାର୍କ ପରି ତାରାତାରିଣୀ ମନ୍ଦିର ନୂଆ ରୂପ ନେଇ ପାରେ ବୋଲି ସାଧାରଣରେ ଆଲୋଚନା ଜୋର ଧରିଛି ।
