ମୟୁରଭଞ୍ଜ(ଏଟିଆରବ୍ୟୁରୋ)- ମୃତ୍ୟୁ କେତେବେଳେ ଆଉ କେମିତି ଆସେ ତାହା କହି ହେବନି । ସେ ଘରେ ହେଉ କି ବାହାରେ । ବାଇକରେ ହସଖୁସିରେ ଯାଉଥିଲେ ଏକ ପରିବାର । ହେଲେ ଜାଣି ନଥିଲେ ବାଟରେ ଅପେକ୍ଷା କରି ବସିଛି ଦଇବ ଦଉଡି । ଆଜି ଅପରାହ୍ନରେ ଦଲଦଲି ଗାଁର ବେଣୁଧର ସିଂ ନିଜ ପତ୍ନୀ ଓ ଦୁଇ ଝିଅଙ୍କୁ ନେଇ ଗାଁଙ୍କୁ ଫେରୁଥିଲେ । ହେଲେ ବେତନଟୀ ଥାନା ଏନଏଚ ୧୮ବଙ୍ଗଳା ନିକଟରେ ପଛପଟୁ ଧକ୍କା ଦେଲା ଏକ ଟ୍ରାକ୍ଟର । ଫଳରେ ଘଟଣାସ୍ଥଳରେ ବେଣୁଧର ତାଙ୍କ ପତ୍ନୀ ଓ ସାନ ଝିଅର ମୃତ୍ୟୁ ହୋଇଯାଇଥିଲା । ଗୁରୁତର ଅବସ୍ଥାରେ ବଡ ଝିଅକୁ ଉଦ୍ଧାର କରି ଡାକ୍ତରଖାନାରେ ଭର୍ତ୍ତି କରିଥିଲେ । ଏବେ ବଡ ଝିଅ ମେଡିକାଲରେ ମୃତ୍ୟୁ ସହ ସଂଗ୍ରାମ କରୁଛି । ଅନ୍ୟପଟେ ଟ୍ରାକ୍ଟର ଚାଳକ ଫେରାର ଅଛନ୍ତି । ପୋଲିସ ଘଟଣାସ୍ଥଳରେ ପହଁଞ୍ଚି ମୃତଦେହ ଉଦ୍ଧାର କରି ବ୍ୟବଚ୍ଛେଦ ପାଇଁ ପଠାଇଛି ।
