ଭୁବନେଶ୍ୱର (ଏଟିଆର ବ୍ୟୁରୋ): ଗତ ଦୁଇ ଦିନ ହେଲା ସାରା ରାଜ୍ୟରେ ଜାରି ରହିଛି ଲଗାଣ ବର୍ଷା । ପାଣିପାଗ ବିଭାଗର ପୂର୍ବାନୁମାନ ଅନୁଯାୟୀ ଆଜି ମଧ୍ୟ ପ୍ରବଳ ବର୍ଷା ହେବାର ସମ୍ଭାବନା ରହିଛି । ଏନେଇ ଭୁବନେଶ୍ୱରର ସମସ୍ତ ସ୍କୁଲକୁ ଛୁଟି ଘୋଷଣା କରାଯାଇଛି । ତେବେ ବର୍ଷାର ସ୍ଥିତି ଦେଖି ଅନ୍ୟ ଜିଲ୍ଲା ମାନଙ୍କର ନିଷ୍ପତି ନିଆଯିବ ।
ସହରୁଠୁ ଆରମ୍ଭ କରି ଗାଁ ଯାଏଁ ପ୍ରତ୍ୟେକ ସ୍ଥାନକୁ ବେହାଲ କରି ରଖିଛି ଏହି ଲଗାଣ ବର୍ଷା । ଲୋକେ ନାହଁ ନଥିବା ଅସୁବିଧାର ସମୁଖୀନ ହେଉଛନ୍ତି ।
ଅନ୍ୟପଟେ ଲଗାଣ ବର୍ଷା ଯୋଗୁଁ ରାଜଧାନୀ ବାସୀଙ୍କ ପାଇଁ ତତ୍ପର ହୋଇ ଉଠିଛି ବିଏମସି । ଏହାସିହତ ବିଏମସିର ୨୪ ଘଂଟିଆ ସ୍ୱତନ୍ତ୍ର ଅପରେସନ ସେଣ୍ଟର ଖୋଲାଯାଇଛି । ପ୍ରତ୍ୟେକ ଗଳି କନ୍ଦିରୁ ଟିକିନିକି କରି ଅଳିଆ ଆବର୍ଜନା ଉଠାଯାଉଛି ।
