ଭଦ୍ରକ (ଏଟିଆର ବ୍ୟୁରୋ): ସରକାରୀ ମେଡିକାଲ କଲେଜ ପ୍ରତିଷ୍ଠା ଦାବିରେ ଆଜି ଭଦ୍ରକ ୧୨ ଘଂଟିଆ ବନ୍ଦ ଡାକରା । ସକାଳ ୬ଟାରୁ ସନ୍ଧ୍ୟା ୬ ଯାଏଁ ଏହି ବନ୍ଦ ପାଳନ କରାଯାଉଛି । ଭଦ୍ରକ ମେଡିକାଲ କଲେଜ ସଂଗ୍ରାମୀ ସେନା ପକ୍ଷରୁ ଏହି ବନ୍ଦ ଡାକରା ଦିଆଯାଇଛି ।
ଏହାକୁ ପ୍ରାୟତଃ ସମସ୍ତ ରାଜନୈତିକ ଦଳ ସମର୍ଥନ କରୁଛନ୍ତି । ସହରର ସମସ୍ତ ଦୋକାନ ବଜାର ସମେତ ସ୍କୁଲ , କଲେଜ ବନ୍ଦ ରହିବା ସହ ଯାନବାହାନ ଚଳାଚଳ ଠପ୍ ହୋଇ ପଡିଛି । ଏହାସହିତ ଭଦ୍ରକ ଷ୍ଟେସନ ଦେଇ ଯାଉଥିବା ଟ୍ରେନ ଗୁଡିକ ଷ୍ଟେସନରେ ଅଟକି ରହିଛି ।
ଶାନ୍ତି ପୂର୍ଣ୍ଣ ଭାବେ ବନ୍ଦ ପାଳନରେ ସାମିଲ ହେବା ପାଇଁ ସମିତି ସେନା ପକ୍ଷରୁ ଆହ୍ୱାନ ଦିଆଯାଇଛି ।
