କେନ୍ଦ୍ରାପଡା (ଏଟିଆର ବ୍ୟୁରୋ): ମହାମାରୀ କରୋନା ପାଇଁ ଜନବୀବନ ପ୍ରଭାବିତ ହୋଇଛି । ଆଗକୁ ଏହି ମହାମାରୀ କେତେ ଦିନ ରହିବ ତାହା କେହିଁ ଜାଣି ନାହାନ୍ତି । ହେଲେ ଏବେ ସରକାରଙ୍କ ତରଫରୁ ଜନଜୀବନ ପରିସ୍ଥିତିକୁ ସୁଧାରିବା ପାଇଁ ଲକଡାଉନ ଓ ସଟଡାଉନ ଭଳି ପ୍ରକ୍ରିୟାକୁ ଉଚ୍ଛେଦ କରିଛନ୍ତି । ଯାହାଫଳରେ ଏବେ ଲୋକମାନେ କିଛିଟା ଆଶ୍ୱସ୍ତି ପାଇବା ସହ ବିଭିନ୍ନ ଜାଗାକୁ ଯାଇପାରୁଛନ୍ତି । ଅନ୍ୟପଟେ ଆଗକୁ ପର୍ଯ୍ୟଟନ ଋତୁ ଆସୁଥିବାରୁ ଭିତରକନିକା ଖୋଲିବା ନେଇ ରାଜନଗର ଡିଏଫଓ ସୂଚନା ଦେଇଛନ୍ତି ।
ଦୀର୍ଘ ୭ ମାସ ପରେ ଏହାକୁ ପୁଣି ଥରେ ଖୋଲିବାକୁ ନିଷ୍ପତ୍ତି ହୋଇଛି । କୋଭିଡ କଟକଣା ସହ ଅକ୍ଟୋବର ପହିଲାରୁ ଭିତରକନିକା ଜାତୀୟ ଉଦ୍ୟାନ ଖୋଲିବା ବୋଲି ନିଷ୍ପତ୍ତି ହୋଇଛି । ଏନେଇ ରାଜନଗର ଡିଏଫଓ ସୂଚନା ଦେଇଛନ୍ତି । ତେବେ ପର୍ଯ୍ୟଟକ ମାନେ କେବଳ ଡାଙ୍ଗମାଳରେ ରାତ୍ରୀ ଯାପନର ସୁବିଧା ପାଇପାରିବେ । ରାତ୍ରୀଯାପନ ପାଇଁ ରୁମ ବୁକିଂ କରିଥିବା ପର୍ଯ୍ୟଟକଙ୍କୁ ଭିତରକନକାରେ ବୁଲିବାକୁ ଓ ରହିବାକୁ ଅନୁମତି ମିଳିବ ।
ଗୁପ୍ତି ଓ ହବାଳିଖଟିରେ ଥିବା କଟେଜ ବୁକିଂ କରାଯିବ ନାହିଁ । ଇକୋଟ ଟୁର ଓଡିଶା ଡଟ୍ କମ୍ରେ ଅନଲାଇନରେ ରୁମ ବୁକିଂ କରିଥିବା ପର୍ଯ୍ୟଟକମାନେ ଭିତରକନିକା ବିଲିବାର ସୁବିଧା ପାଇପାରିବେ । ଏହି ପର୍ଯ୍ୟଟକମାନେ ବୋଟିଂ ସହିତ ଭିତରକନିକା ବୁଲିବା ଏବଂ ରାତ୍ରୀଯାପନ କରିବାର ସୁବିଧା ପାଇପାରିବେ । ସେଠାରେ ୧୬ଟି କଟେଜରେ ରାତ୍ରୀଯାପନ ପାଇଁ ସର୍ବନିମ୍ନ ୩୫ ଶହ ଟଙ୍କାରୁ ସର୍ବାଧିକ ୬ ହଜାର ଟଙ୍କା ବ୍ୟବସ୍ଥା ହୋଇଛି ।
