ଭୁବନେଶ୍ୱର ( ଏଟିଆର ବ୍ୟୁରୋ): ସାରା ବିଶ୍ୱରେ ଏବେ କରୋନା ତା ତାଣ୍ଡବ ଦେଖାଉଛି । ଏହାର ପ୍ରଭାବ ଓଡିଶାରେ ମଧ୍ୟ ଦେଖା ଦେଇଛି । କରୋନା ଆକ୍ରାନ୍ତରେ ରାଜଧାନୀରେ ଜଣେ ଚିହ୍ନଟ ହେବା ପରେ ଭୟ ଆହୁରି ଅଧିକ ବଢି ଯାଇଛି । ଅନ୍ୟପଟେ କରୋନାକୁ ନେଇ ହେବାକୁ ଥିବା ଜିଲ୍ଲା ପରିଷଦ, ସରପଞ୍ଚ, ସମିତିସଭ୍ୟ ପାଇଁ ହେବାକୁ ଥିବା ବିଭିନ୍ନ ସ୍ଥାନରେ ଉପ ନିର୍ବାଚନକୁ ସ୍ତଗିତ କରାଯାଇଛି । ନିର୍ବାଚନ କମିଶନଙ୍କ ପକ୍ଷରୁ ଆଜି ଏହି ଘୋଷଣା କରାଯିବା ସହିତ ବିଜ୍ଞପ୍ତି ପ୍ରକାଶ ପାଇଛି । ସୂଚନାଯୋଗ୍ୟ ଆସନ୍ତା ୨୪ ତାରିଖରେ ରାଜ୍ୟର କେତକ ସ୍ତ।ନରେ ଉପ ନିର୍ବାଚନ ହେବାକୁ ରହିଥିଲା ।
ଆଗାମୀ ନିଷ୍ପତ୍ତି ନ ଆସିବା ପର୍ଯ୍ୟନ୍ତ ନିର୍ବାଚନ ହେବ ନାହିଁ ବୋଲି ବିଜ୍ଞପ୍ତିରେ ସୂଚନା ଦିଆଯାଇଛି । ଅନ୍ୟପଟେ ଆଜି ଯାଜପୁରରେ କରୋନା ପାଇଁ ୧୪୪ ଧାରା ଜାରି କରାଯାଇଛି । ରାଜ୍ୟରେ ଖୋର୍ଦ୍ଧା , ଗଞ୍ଜାମ , ରାୟଗଡା ପରେ ଏବେ ଯାଜପୁରରେ ୧୪୪ ଧାରା ଜାରି କରାଯାଇଛି । ଜିଲ୍ଲା ପ୍ରଶାସନ ଆଜି ଯାଜପୁରରେ ୧୪୪ ଧାରା ଲାଗୁ କରିଛନ୍ତି । ଏହି ନିକଟରେ ହେବାକୁ ଥିବା ବାରୁଣୀ ସ୍ନାନକୁ ମଧ୍ୟ ବନ୍ଦ କରାଯାଇଛି ।
