ଭୁବନେଶ୍ୱର (ଏଟିଆର ବ୍ୟୁରୋ): ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ଜନତା କର୍ଫ୍ୟୁ ଆହ୍ୱାନକୁ ଚାରିଆଡୁ ସମର୍ଥନ ମିଳିଥିବା ବେଳେ ଆଜି ସକାଳ ୭ଟାରୁ ଆରମ୍ଭ ହୋଇଥିବା ଏହି କର୍ଫ୍ୟୁ ରାତି ୯ ଟା ପର୍ଯ୍ୟନ୍ତ ଚାଲିବ । ଇତିମଧ୍ୟରେ ସନ୍ଧ୍ୟା ୫ଟା ୫ ମିନିଟ ରେ ଲୋକେ ସେମାନେଙ୍କ ଘରୁ ବାହାରକୁ ବାହାରି ଘଣ୍ଟ, ଘଣ୍ଟି, ଶଙ୍ଖ, ତାଳି-ଥାଳି ଆଦି ମାରିଥିଲେ । ଏହି ଶବ୍ଧରେ ପୁରା ଅଞ୍ଚଳ ପ୍ରକମ୍ପିତ ହୋଇ ଉଠିଥିଲା ।
ଓଡିଶାର ବିଭିନ୍ନ ସ୍ଥାନରେ ଏଭଳି ଦୃଶ୍ୟ ଆଜି ଦେଖିବାକୁ ମିଳିଛି । ରାଜଧାନୀ ଭୁବନେଶ୍ୱରରୁ ଆରମ୍ଭ କରି କଟକ, ବାଲେଶ୍ୱର, ପୁରୀ, ଖୋର୍ଦ୍ଧା, ରାଉଲକେଲା, ଭଦ୍ରକ ସମେତ ଅନ୍ୟ ସମସ୍ତ ଜିଲ୍ଲାର ଛୋଟ ବଡ ଗାଁର ଲୋକ ମାନେ ସେମାନଙ୍କ ଘର ବାହାରେ ଛିଡା ହୋଇ କିଏ ଘଣ୍ଟି ବଜାଇ ଥିଲା ତ ପୁଣି କିଏ ଶଙ୍ଖ ଫୁଙ୍ଖିଥିଲା । ଏହାସହିତ କେହି କେହି ତାଳି-ଥାଳି ମାରି କର୍ଫ୍ୟୁ କାଳରେ ସେବା ପ୍ରଦାନ କାରୀଙ୍କୁ କୃତଜ୍ଞତା ଜଣାଇଛନ୍ତି । ଏହାର ଧ୍ୱନିରେ ପୁରା ଅଞ୍ଚଳ ପ୍ରକମ୍ପିତ ହୋଇପଡିଥିଲା । ଏଥିରୁ ସ୍ପଷ୍ଟ ଜଣାପଡୁଛି କି କରୋନାକୁ ହରାଇବା ପାଇଁ ମୋଦିଙ୍କ ଆହ୍ୱାନକୁ ଚାରିଆଡୁ ସମର୍ଥନ ମିଳିଛି ।
