ଭଞ୍ଜନଗର(ଏଟିଆର ବ୍ୟୁରୋ): ଦିନ ଦ୍ୱିପହରରେ ଗୋଟିଏ ପରିବାରର ୫ଜଣଙ୍କୁ ଗୋଡାଇ ଗୋଡାଇ ଆକ୍ରମଣ କରାଯାଇଛି । ଯାହା ଫଳରେ ଘଟଣା ସ୍ଥଳରେ ଜଣଙ୍କର ମୃତ୍ୟୁ ହୋଇଥିବା ବେଳେ ୪ ଜଣ ଗୁରୁତର ହୋଇପଡିଛନ୍ତି । ଏଭଳି ଏକ ଘଟଣା ଘଟିଛି ଗଞ୍ଜାମ ଜିଲ୍ଲା ସୋରଡା ଥାନା ଅଞ୍ଚଳରେ । ଆଜି ଦ୍ୱିପହର ସମୟରେ ସୋରଡ ଥାନା ନୂଆ ଗାଁର ବିଦୁ ନାୟକଙ୍କ ପରିବାର ଉପରେ ସଂଘବଦ୍ଧ ଭାବେ ଆକ୍ରମଣ ହୋଇଛି । ଦ୍ୱିପହର ସମୟରେ ୪ରୁ ୫ ଜଣ ଯୁବକ ବିଦୁଙ୍କ ଘରେ ଖଣ୍ଡା ଧରି ପଶିଥିଲେ । କେହି କିଛି ଭାବିବା ପୂର୍ବରୁ ଯୁବକ ମାନେ ଖଣ୍ଡାରେ ବିଦୁଙ୍କ ପରିବାରଙ୍କ ଉପରେ ଆକ୍ରମଣ କରିବା ଆରମ୍ଭ କରି ଦେଇଥିଲେ ।
ଜୀବନ ବଞ୍ଚାଇବାକୁ ଯାଇ ବିଦୁଙ୍କ ପରିବାର ଲୋକ ସେଠାରୁ ଦୌଡି ପଳାଇବାକୁ ଚେଷ୍ଟା କରିଥିଲେ । ହେଲେ ଯୁବକ ମାନେ ସେମାନଙ୍କୁ ଗୋଡାଇ ଗୋଡାଇ ଆକ୍ରମଣ କରିଥିଲେ । ଫଳରେ ବିଦୁ, ତାଙ୍କ ସ୍ତ୍ରୀ ଗେଲି, ପୁଅ ମନୋଜ, ବିଦୁଙ୍କ ବାପା ପୁନିଆ ଓ ମା ଇନ୍ଦୁ ଗୁରୁତର ହୋଇପଡିଥିଲେ । ଖବର ପାଇ ଘଟଣା ସ୍ଥଳରେ ପୋଲିସ ପହଞ୍ଚି ବିଦୁ ଓ ତାଙ୍କ ପରିବାର ଲୋକଙ୍କୁ ଉଦ୍ଧାର କରି ସୋରଡା ମେଡିକାଲରେ ଭର୍ତ୍ତି କରିଥିଲେ । ମେଡିକାଲରେ ବିଦୁଙ୍କ ପୁଅ ମନୋଜଙ୍କୁ ଡାକ୍ତର ମୃତ୍ୟୁ ଘୋଷଣା କରିଥିଲେ । ତେବେ ଏବେ ମଧ୍ୟ ବିଦୁ, ତାଙ୍କ ସ୍ତ୍ରୀ ଗେଲି, ତାଙ୍କ ବାପା ପୁନିଆ ଓ ମାଆ ଇନ୍ଦୁଙ୍କ ସ୍ୱାସ୍ଥ୍ୟ ଅବସ୍ଥା ସଙ୍କଟାପନ୍ନ ରହିଛି। ପୋଲିସର ପ୍ରାଥମିକ ତଦନ୍ତରୁ ଜଣାପଡିଛି ଯେ ସାହି ବିବାଦକୁ ନେଇ ଏପରି ଆକ୍ରମଣ ହୋଇଥାଇ ପାରେ । ଅନ୍ୟ ପଟେ ଅଭିଯୁକ୍ତ ମାନେ ଫେରାର ଥିବାର ଜଣାପଡିଛି ।ଦ୍ୱିପହର ମେଡିକାଲରେ
