ଝାରସୁଗୁଡା(ଏଟିଆର ବ୍ୟୁରୋ): ଝାରସୁଗୁଡା ବ୍ରଜରାଜନଗର ପୋଲିସ ଏନକାଉଣ୍ଟରରେ ଦୁର୍ଦ୍ଦାନ୍ତ ଅପରାଧି ବିନୋଦ ପ୍ରସାଦ ଗୁରୁତର ହୋଇଛନ୍ତି । ସୂଚନା ଅନୁସାରେ ଗତକାଲି ରାତିରେ ବନୋଦ ବ୍ରଜରାଜନଗର ସ୍ଥିତ ଛୁଆଲିବରେନା ଠାରେ ଥିବାର ଖବର ପାଇଥିଲା ବ୍ରଜରାଜନଗର ପୋଲିସ । ଏହା ପରେ ରାତି ପ୍ରାୟ ୩ଟାରେ ପୋଲିସର ଏକ ଟିମ ବିନୋଦଙ୍କୁ ଧରିବା ପାଇଁ ଚେଷ୍ଟା କରିଥିଲେ । ହେଲେ ବିନୋଦ ପୋଲିସ ଟିମ ଉପରକୁ ଗୁଳି ମାଡ କରି ସେଠାରୁ ଖସି ଯିବା ପାଇଁ ଉଦ୍ୟମ କରିଥିଲା ।
ପୋଲିସର ପାଳଟା ଗୁଳି ମାଡରେ ବିନୋଦ ଆହତ ହୋଇ ପଡିଥିଲେ । ବିନୋଦଙ୍କ ଡାହାଣ ଗୋଡରେ ଗୁଳି ବାଜିବାରୁ ବିନୋଦ ଗୁରୁତର ହୋଇ ପଡିଥିଲେ । ତେବେ ତାଙ୍କୁ ଝାରସୁଗୁଡା ମେଡିକାଲରେ ଭର୍ତ୍ତି କରାଯାଇଛି । ପୋଲିସ ବିନୋଦଙ୍କ ପାଖରୁ ଗୋଟିଏ ବନ୍ଧୁକ, ୩ଟି ଅଫୁଟା ଗୁଳି ଜବତ କରିଛି । ବିନୋଦଙ୍କ ନାମରେ ବିଭିନ୍ନ ଥାନାରେ ୨୦ରୁ ଅଧିକ ମାମଲା ରହିଛି । ବିନୋଦ ହେଉଛି କୋଇଲା ମାଫିଆ ସୋନୁ ଘୋଷଙ୍କ ସହଯୋଗି ।
