କଟକ (ଏଟିଆର ବ୍ୟୁରୋ): ଏଣିକି ସମସ୍ତ ଜିନିଷରେ ହେଉଛି ଭେଜାଲ । ଯେଉଁଥି ପାଇଁ ଲୋକେ ଅସୁସ୍ଥତାର ଶିକାର ହେଉଛନ୍ତି । ଏଇ ନିକଟରେ ନକଲି ଘିଅ କାରଖାନା ଉପରେ ଚଢାଉ ହୋଇଥିଲା । ଆଜି ପୁଣି ନକଲି ସସ୍ କମ୍ପାନୀ ଉପରେ ଚଢାଉ କରିଛି ପୋଲିସ । ଚଢାଉ ବେଳେ ବିପୁଳ ପରିମାଣର ସସ୍ ଏବଂ ବିଭିନ୍ନ ସାମଗ୍ରୀ ଜବତ ହୋଇଛି ।
କଟକ ଜଗତପୁର ଆଇବି ରୋଡରେ ଚାଲିଥିବା ଏହି ନକଲି ସସ୍ କାରଖାନା ଉପରେ ଆଜି ପୋଲିସ ରେଡ କରିଛି । ଏହାସହିତ ମାଲିକ ଓ କର୍ମଚାରିଙ୍କୁ ଅଟକ ରଖି ପଚରା ଉଚରା କରୁଛି ପୋଲିସ । ଅନ୍ୟପଟେ ଏନେଇ ସିଏମସିର ସ୍ୱାସ୍ଥ୍ୟ ବିଭାଗକୁ ଖବର ଦେଇଛି ପୋଲିସ । ସେହିପରି ପୋଲିସ ଘଟଣାରେ ଅଧିକ ତଦନ୍ତ କରୁଥିବାରୁ ସୂଚନା ମିଳିଛି ।
