ଭୁବନେଶ୍ୱର,(ଏଟିଆର ବ୍ୟୁରୋ): ନିଶା କାରବାରକୁ ନେଇ ତୁମୁଳକାଣ୍ଡ । ଦୁଇଗୋଷ୍ଠୀ ମୁହାଁମୁହିଁ । ଘଟଣାରେ ଜଣଙ୍କ ମୁଣ୍ଡରେ ଆଘାତ ଲାଗିଥିବା ବେଳେ ପୁଲିସ ୩ଜଣଙ୍କୁ ଅଟକ ରଖି ପଚରାଉଚରା କରୁଛି । ଏଭଳି ଏକ ଘଟଣା ଦେଖିବାକୁ ମିଳିଛି ଲକ୍ଷ୍ମୀସାଗର ଥାନା ହଳଦୀପଡିଆ ବସ୍ତିରେ ।
ମିଳିଥିବା ରିପୋର୍ଟ ଅନୁସାରେ, ନିଶା କାରବାରକୁ ନେଇ ଉଭୟ ଗୋଷ୍ଠୀ ମଧ୍ୟରେ ଢ଼େରଦିନ ହେବ ଛକାପଞ୍ଝା ଲାଗି ରହିଥିଲା । ସକାଳେ ଏହା ଉଗ୍ରରୂପ ନେଇଥିଲା । ମାରପିଟରେ ଜଣଙ୍କର ମୁଣ୍ଡ ଫାଟିଯାଇଛି । ଆହତ ବ୍ୟକ୍ତିଙ୍କୁ ପୁଲିସ ଉଦ୍ଧାର କରି ଚିକିତ୍ସା ଲାଗି କ୍ୟାପିଟାଲ ହସପିଟାଲରେ ଭର୍ତି କରିଛି ।
