ଯାଜପୁର (ଏଟିଆର ବ୍ୟୁରୋ); ରାସ୍ତାରେ ହଣାହଣି ହୋଇ ଲହୁଲୁହାଣ ହୋଇଛନ୍ତି ପ୍ରେମିକ ଏବଂ ପ୍ରେମିକା । ଉଭୟଙ୍କୁ ମେଡିକାଲରେ ଭର୍ତ୍ତି କରାଯାଇଛି । ଯାହାକୁ ନେଇ ଏବେ ଚର୍ଚ୍ଚା ଆରମ୍ଭ ହୋଇଛି । ତେବେ ଏଭଳି ଅଭାବନୀୟ ଘଟଣା ଘଟିଛି ଯାଜପୁର ଜିଲ୍ଲା ଧର୍ମଶାଳା ଅନ୍ତର୍ଗତ ବ୍ରହ୍ମବରଦା ବନ୍ଧଡିହ ଗାଁରେ । ଆହାତ ଯୁବକ ଜଣକ ହେଲେ ଧନ ସାହୁ(୨୭) । ଏବଂ ଯବୁତୀ ଜଣକ ମଧ୍ୟ ସେହି ଗ୍ରାମର ବୋଲି ଜଣା ପଡିଛି । ଯୁବତୀଙ୍କୁ କଟକ ବଡ ମେଡିକାଲରେ ଭର୍ତ୍ତି କରାଯାଇଥିବା ବେଳେ ଧନ ସାହୁଙ୍କୁ ଯାଜପୁର ଜିଲ୍ଲା ମୁଖ୍ୟ ଚିକିତ୍ସାଳୟରେ ଭର୍ତ୍ତିସ କରାଯାଇଛି । ପୋଲିସ ଖବର ପାଇ ଘଟଣାର ତଦନ୍ତ ଆରମ୍ଭ କରିଛି ।
ମିଳିଥିବା ସୂଚନା ମୁତାବକ ଧନ ଏବଂ ଯୁବତୀଙ୍କ ମଧ୍ୟରେ ପୂର୍ବରୁ ପ୍ରେମ ସମ୍ପର୍କଥିଲା । ତେବେ ଏହି ଦୁହିଁଙ୍କ ପ୍ରେମ ସମ୍ପର୍କ ସମସ୍ତଙ୍କୁ ମଧ୍ୟ ଜଣାଥିଲା । କିନ୍ତୁ ସୋମବାର ଦିନ ବେଳା ଉଭୟ ଳହୁ ଲୁହାଣ ହୋଇ ରାସ୍ତାରେ ପଡିଥିବା ଲୋକମାନେ ଦେଖିଥିଲେ । ଏହା ପରେ ଉଭୟଙ୍କ ପରିବାରକୁ ଖବର ଦେଇଥିଲେ ସ୍ଥାନୀୟ ଲୋକ । ପ୍ରଥମେ ଝିଅ ଘର ଲୋକ ଆସି ଯୁବତୀଙ୍କୁ କଟକ ମେଡିକାଲ ନେଇ ଯାଇଥିଲେ । ପରେ ପୁଅ ଘର ଲୋକ ଆମ୍ବୁଲାନ୍ସକୁ ଫୋନ କରି ଦୀର୍ଘ ସମୟ ଅପେକ୍ଷା କରିବା ପରେ ଧନୁଙ୍କୁ ନେଇ ମେଡିକାଲରେ ପହଁଞ୍ଚିଥିଲେ । ଏବେ ଉଭୟ ମେଡିକାଲରେ ଚିକିତ୍ସିତ ହେଉଛନ୍ତି ।
ଉଭୟ ପଡିଥିବା ସ୍ଥାନରେ ଏକ କଟୁରୀ ପଡିଥିଲା । ଏଣୁ ସ୍ଥାନୀୟ ଲୋକ ଅନୁମାନ କରିଛନ୍ତି କି କୌଣସି କାରଣରୁ ଉଭୟଙ୍କ ମଧ୍ୟରେ ଝଗଡା ହୋଇଛି ଏଣୁ ଉଭୟଙ୍କ ମଧ୍ୟରେ ହଣାକଟା ହୋଇଛି । ତେବେ ପୋଲିସ ଏହି ଖବର ପାଇ ଘଟଣାସ୍ଥଳରେ ପହଁଞ୍ଚି ତଦନ୍ତ ଆରମ୍ଭ କରିଛି । ଏହି ଘଟଣାକୁ ନେଇ ଏବେ ଗାଁରେ ଲୋକମାନେ ଟୁପୁରୁ ଟାପୁରୁ ହୋରେ ଲାଗିଛନ୍ତି ।
