ନୂଆପଡା (ଏଟିଆର ବ୍ୟୁରୋ); ପୁଣି ଲଜ୍ଜା । ଦୁଷ୍କର୍ମର ଶିକାର ହେଲେ ନାବାଳିକା । ତେବେ ନାବାଳିକାଙ୍କୁ ଜଣେ ବାବା ଦୁଷ୍କର୍ମ କରିଥିବା ଅଭିଯୋଗ ହୋଇଛି । ନୂଆପଡା ଜିଲ୍ଲା ଖଡିଆଳ ଥାନା ଅଞ୍ଚଳରୁ ଆସିଛି ଏଭଳି ସଙ୍ଗୀନ ଅଭିଯୋଗ । ବଲାଙ୍ଗୀର ସଦର ଥାନା ଅନ୍ତର୍ଗତ ଘୁଟୁପାଲି ଗାଁର ବସନ୍ତ ବାଗ ନାମକ ବାବା ଗିରଫ ହୋଇଛନ୍ତି । ଅଭିଯୁକ୍ତକୁ ଗିରଫ କରି ପୋଲିସ କୋର୍ଟ ଚାଲାଣ କରିଛି । ଏହି ଘଟଣାକୁ ନେଇ ଏବେ ସାରା ଅଞ୍ଚଳରେ ଚର୍ଚ୍ଚା ଚୋର ଧରିଛି ।
ପୁରା ଘଟଣା ଥିଲା ଏମିତି, ନାବାଳିକାଙ୍କୁ ଲାଗିଥିଲା ଭୂତ । ପରିବାର ଲୋକ ଭୟରେ ବାବାଙ୍କ ଶରଣ ନେଇଥିଲେ । ଘରକୁ ଆସିଥିବା ଅଭିଯୁକ୍ତ ବାବା ନାବାଳିକାଙ୍କୁ ଔଷଧ ଦିଆ ହେବ ଏବଂ ତାଙ୍କୁ ମୋ ସହ ଗୋଟିଏ ବନ୍ଦ କୋଠରୀରେ ରଖନ୍ତୁ ବୋଲି କହିଥିଲେ । ଝିଅ ସୁସ୍ଥ ହୋଇଯିବ ଏବଂ ଭୂତ ଛାଡି ଚାଲିଯିବ ଭାବି ପରିବାର ଲୋକ ବାବାଙ୍କ ସହ ବନ୍ଦ କୋଠରୀରେ ଛାଡିଥିଲେ ।
ଝିଅ ଜୋରରେ କାନ୍ଦିବା ପରେ ପରିବାର ଲୋକ କବାଟ ଖୋଲି ଦେଖିଥିଲେ । ଆଉ ସେତିକି ବେଳକୁ ନର ରୂପି ରାକ୍ଷସ ସାଜିଥିଲା ଅଭିଯୁକ୍ତ ବାବା । ନାବାଳିକାଙ୍କୁ କରୁଥିଲା ଦୁଷ୍କର୍ମ । ଏହାପରେ ପରିବାର ଲୋକ ନାବାଳିକାଙ୍କୁ ଉଦ୍ଧାର କରି ମେଡିକାଲରେ ଭର୍ତ୍ତି କରିଥିଲେ । ପୋଲିସ କବର ପାଇବା ପରେ ଅଭିଯୁକ୍ତକୁ ଗିରଫ କରି କୋର୍ଟ ଚାଲାଣ କରିଛି । ତେବେ ଆଜି ବି ଗାଁରେ ଲୋକ ଅନ୍ଧ ବିଶ୍ୱାସକୁ ଭରଷା କରି ଅସୁବିଧାର ସମ୍ମୁଖୀନ ହେଉଛନ୍ତି ।
