ଭୁବନେଶ୍ୱର (ଏଟିଆର ବ୍ୟୁରୋ): ରାତି ଅଧରେ ମଦୁଆଙ୍କ କାରନାମା । ନିଶା ଏତେ କି ବରିଷ୍ଠ ଓ ଯୁବତୀଙ୍କୁ ମାଡ ମାରିଲେ । ମଦ୍ୟପାନ କରି ଜଣେ ଅଭିନେତ୍ରୀ ଓ ଜଣେ ବରିଷ୍ଠ ହାସ୍ୟ ଅଭିନେତାଙ୍କୁ ଅସଦାଚରଣ ସହ ମାଡ ମାରିବାର ଅଭିଯୋଗ ହୋଇଛି । ଘଟଣାଟି ଘଟିଛି ମଞ୍ଚେଶ୍ୱର ଥାନା ଚକେଇସିଆଣି ଅଞ୍ଚଳରେ । ସୂଚନା ଅନୁସାରେ ସାଲେପୁରରୁ ଏକ କାର୍ଯ୍ୟକ୍ରମ ସାରି ଜଣେ ହାସ୍ୟ ଅଭିନେତା ଅଶୋକ ଓଝା, ଜଣେ ଅଭିନେତ୍ରୀ ଓ ସୋମାନଙ୍କର ଦୁଇ ବନ୍ଧୁ କାରରେ ଘରକୁ ଫେରୁଥିଲେ । ଚକେଇସିଆଣି ନିକଟରେ ୪ ଜଣ ଯୁବକ ମଦ୍ୟପାନ କରି ହତାଠ ସୋମାନଙ୍କ ଗାଡିକୁ ଅଟକାଇ ମଦ ପିଇବା ପାଇଁ ପାଣି ମାଗିଥିଲେ ।
ଗାଡିରେ ପାଣି ନଥିବାରୁ ଯୁବକ ମାନେ ଡ୍ରାଇଭରଙ୍କୁ ଘେସାଡି ମାଡ ମାରିଥିଲେ । ଏହା ଦେଖି ଅଶୋକ ଓ ତାଙ୍କର ଅନ୍ୟ ଦୁଇ ବନ୍ଧୁ ଗାଡିରୁ ଓହ୍ଲାଇ ଯୁବକଙ୍କୁ ଅଟକାଇବାକୁ ଚେଷ୍ଟା କରିଥିଲେ । ହେଲେ ଯୁବକମାନେଙ୍କୁ ନିଶା ଏତେ ଜେରେକି ସେମାନେ ଅଶୋକ ଓ ତାଙ୍କ ବନ୍ଧୁଙ୍କୁ ଗାଳି ଗୁଲଜ କରିବା ସହ ଆକ୍ରମଣ କରିଥିଲେ । ଏହା ଦେଖି ଅଭିନେତ୍ରୀ ଜଣଙ୍କ ପୋଲିସଙ୍କୁ ଫୋନ କରିଥିଲେ । ଏଥିରେ ଯୁବକ ମାନେ ରାଗି ଯାଇ ଅଭିନେତ୍ରୀଙ୍କୁ ଗାଡି ଭିତରୁ ଟାଣି ଆଣି ମାଡ ମାରିଥିଲେ । ଘଟଣା ସ୍ଥଳରେ ପୋଲିସ ପହଞ୍ଚି ଅଭିନେତା ଓ ଅଭିନେତ୍ରୀଙ୍କୁ ଉଦ୍ଧାର କରିଥିଲେ । ତେବେ ଅଭିଯୋଗକୁ ଆଧାର କରି ପୋଲିସ ଦୁଇ ଜଣଙ୍କୁ ଅଟକ ରଖିଛି । ଅଭିନେତ୍ରୀ ଜଣଙ୍କ ସେହି ଅଞ୍ଚଳର ହୋଇଥିବାରୁ ମାମଲା ଉଠାଇବାକୁ ଧମକ ମିଳୁ ଥିବାର ସୂଚନା ରହିଛି ।
