କଟକ(ଏଟିଆର ବ୍ୟୁରୋ): ଅପରାଧୀଙ୍କ ସଂଖ୍ୟା ଦିନକୁ ଦିନ ବୃଦ୍ଧି ପାଇବାରେ ଲାଗିଛି । ଘର ଛାଡି ଲୋକେ ବାହାରକୁ ଯିବାକୁ ବି ଡରିଲେଣି ।ପ୍ରତ୍ୟେକ ସମୟରେ କେଉଁଠି ନା କେଉଁଠି ହେଉଛି ଚୋରୀ, ଡକାୟତୀ, ମାରପିଟ । ଏହିଭଳି ଏକ ଘଟଣା କଟକ ଜିଲ୍ଲା ସାଲେପୁର ଥାନା ଅନ୍ତର୍ଗତ ଚନ୍ଦ୍ରାଦେଇପୁର ଗାଁର ରେବତୀ ମଲ୍ଲଙ୍କ ଘରେ ଘଟିଛି । । ଗତକାଲି ରେବତୀଙ୍କ ଘରେ କେହି ନଥିବାର ଦେଖି, ଦୁର୍ବୃତମାନେ ଘରେ ପଶି ଲକ୍ଷାଧିକ ଟଙ୍କାର ଜିନିଷ ଚୋରି କରି ନେଇଯାଇଥିଲେ । ସକାଳେ ରେବତୀ ଘରକୁ ଆସି ଦେଖିଲା ବେଳକୁ ଝରକା କବାଟ ଭାଙ୍ଗି ଯାଇଛି ଓ ଆଲମିରା, ଆଟାଜ ମଧ୍ୟରେ ଥିବା ଅନେକ ଦାମୀ ଜିନିଷ ଚୋରୀ ହୋଇଯାଇଛି । ଏହାପରେ ସେ ସଙ୍ଗେ ସଙ୍ଗେ ପୋଲିସକୁ ଖବର କରିବାରୁ ପୋଲିସ ଘଟଣାସ୍ଥଳରେ ପହଞ୍ଚି ତଦନ୍ତ କରିଥିଲେ । ପୋଲିସ୍ ସହ ସାଇଣ୍ଟିଫ୍ଖକ ଟିମ ପହଞ୍ଚି ଦୃର୍ବୁତକୁ ଧରିବା ପାଇଁ ସମସ୍ତ ପ୍ରକାରର ଉଦ୍ୟମ ଆରମ୍ଭ କରିଦେଇଛନ୍ତି ।
