ବାଙ୍କୀ,(ଏଟିଆର ବ୍ୟୁରୋ): ମୁଣ୍ଡୁଳୀ ପଞ୍ଚାୟତ ବାସେଳୀ ମନ୍ଦିର ପଡିଆରୁ ଜଣେ ଯୁବକଙ୍କ ରକ୍ତ ଜୁଡୁବୁଡୁ ମୃତଦେହ ଠାବ କରିଛି ପୁଲିସ । ଯୁବକଙ୍କ ଦେହରେ ଅନେକ କ୍ଷତ ଚିହ୍ନ ରହିଛି । ଅନୁମାନ କରାଯାଉଛି ଯୁବକଙ୍କୁ ହତ୍ୟା କରାଯାଇ ଏଠାରେ ଫିଙ୍ଗି ଦିଆଯାଇଛି ।
ତେବେ କିଏ ଓ କାହିଁକି ଏଭଳି କାଣ୍ଡ ଭିଆଇଛି ସେନେଇ କୌଣସି ସ୍ପଷ୍ଟ ସୂଚନା ମିଳିନାହିଁ । ପୁଲିସ ମୃତଦେହକୁ ଜବତ କରି ବ୍ୟବଚ୍ଛେଦ ଲାଗି ପଠାଇଛି । ସକାଳେ ପଡିଆ ଭିତରେ ମୃତଦେହ ପଡିଥିବା ଦେଖିବାକୁ ପାଇଥିଲେ ସ୍ଥାନୀୟ ଲୋକେ । ତେବେ ଯୁବକଙ୍କୁ କେହି ଚିହ୍ନିନଥିବା ଓ ସେ ସ୍ଥାନୀୟ ଅଞ୍ଚଳର ହୋଇନଥିବା ଲୋକେ ପୁଲିସକୁ ସୂଚନା ଦେଇଛନ୍ତି ।
