ଝାଡସୁଗୁଡା(ଏଟିଆର ବ୍ୟୁରୋ): ଗତ କିଛି ଦିନ ହେବ ଝାଡସୁଗୁଡା ସହରରେ ଲୁଟେରା ମାନେ ଆତଙ୍କ ଖେଳାଇ ଦେଇଥିଲେ । ଝାଡସୁଗୁଡା ପୋଲିସ ସେମାନଙ୍କୁ ଧରିବା ପାଇଁ ବହୁ ଦିନ ଧରି ଚେଷ୍ଟା କରି ଆସୁଥିଲା । ତେବେ ଆଜି ଝାଡସୁଗୁଡା ପୋଲିସକୁ ବଡ ସଫଳତା ମିଳିଛି । ସୁଚନା ଅନୁସାରେ ଆଜି ୭ଜଣ ଡକାୟତ ବ୍ରଜରାଜନଗର ହିଲ ଟପ ପଡିଆରେ ଡକାୟତି ଯୋଜନା କରୁଥିଲେ ।
ଖବର ପାଇ ଝାଡସୁଗୁଡା ପୋଲିସ ହିଲ ଟପ ପଡିଆରେ ଚଢାଉ କରିଥିଲା । ଚଢାଉ ସମୟରେ ଡକାୟତ ମାନେ ପୋଲିସ ଉପରକୁ ଏକ ରାଉଣ୍ଡ ଗୁଳି ଚଳାଇ ସେଠାରୁ ଖସି ପଲାଇ ବାକୁ ଚେଷ୍ଟା କରିଥିଲେ । କିନ୍ତୁ ପୋଲିସ ୭ଜଣଙ୍କ ମଧ୍ୟରୁ ୩ଜଣଙ୍କୁ ଧରିବାରେ ସକ୍ଷମ ହୋଇପାରିଛି । ସେମାନେ ହେଲେ ଗୁଡୁ ସିଂହ, ସିଆସ ସହିଦ ଓ ପର୍ଣ୍ଣ ସାଗର । ପୋଲିସ ସେମାନଙ୍କ ପାଖରୁ ଗୋଟିଏ ବନ୍ଧୁକ ଓ ଭୁଜାଲି ଜବତ କରିଛି । ଅନ୍ୟ ୪ଜଣଙ୍କୁ ପୋଲିସ ଧରିବା ପାଇଁ ବିଭିନ୍ନ ଜଗାରେ ଚଢାଉ କରୁଛି । ପୋଲିସ ଗିରଫ କରିଥିବା ଡକାୟତ ମାନଙ୍କୁ ଜୋରା କରିବା ପରେ କୋର୍ଟ ଚାଳଣ କରିଛି ।
