କେନ୍ଦ୍ରାପଡା (ଏଟିଅରା ବ୍ୟୁରୋ): ଗତ କାଲି କେନ୍ଦ୍ରାପଡା ଜିଲ୍ଲା ପଟ୍ଟାମୁଣ୍ଡାଇ ଅଞ୍ଚଳରୁ ଜଣେ ଚୋରା ମଦ ବ୍ୟବସାୟୀଙ୍କୁ ଗିରଫ କରିଥିଲା ପୋଲିସ । ବ୍ୟବସାୟୀ ଜଣଙ୍କ ହେଲେ ଅରଡାପଲ୍ଲୀ ଗ୍ରାମର ସୁଶାନ୍ତ ବେହେରା । ସୂଚନା ଅନୁସାରେ ଗତକାଲି ସୁଶାନ୍ତ ଚୋରା ମଦ ନେଇକି ଯାଉ ଥିବା ବେଳେ ବାଟରେ ପୋଲିସ ହାତରେ ଧରାପଡିଥିଲେ । ତେବେ ସୁଶାନ୍ତଙ୍କର ଦେହ ଅଚାନକ ଖରାପ ହୋଇଯିବାରୁ ତାଙ୍କୁ କଟକ ମେଡିକାଲେରେ ଭର୍ତ୍ତି କରାଯାଇଥିଲା । ସେଠାରେ ତାଙ୍କର ମୃତୁ ଘଟିଥିଲା ।
ଏହା ପରେ ସୁଶାନ୍ତଙ୍କର ସର୍ମ୍ପକୀୟ ଲୋକ ପଟ୍ଟାମୁଣ୍ଡାଇ ଥାନା ଘୋରାଉ କରିବା ସହ ସୁଶାନ୍ତଙ୍କୁ ପୋଲିସ ପିଟି ପିଟି ମାରି ଦେଇଥିବାର ଅଭିଯୋଗ କରିଥିଲେ । ତେବେ ଆଜି ଜଣେ ମାନବଅଧିକାରୀ କର୍ମୀ ଜାତୀୟ ମାନବ ଅଧିକାରୀ କମିସନଙ୍କ ନିକଟରେ ସାଶାନ୍ତଙ୍କୁ ପୋଲିସ ପିଟି ପିଟି ମାରି ଦେଇଥିବା ଅଭିଯୋଗ ଦାଖଲ କରିଛନ୍ତି । ମାନବ ଅଧିକାରୀ କମିସନ ଏହି ଅଭିଯୋଗକୁ ଗ୍ରହଣ କରିବା ସହ ଦୃଢ କାର୍ଯ୍ୟ ଅନୁଷ୍ଠାନ କରାଯିବ ବୋଲି ପ୍ରତିଶୃତି ଦେଇଛନ୍ତି ।
