ରାଉରକେଲା(ଏଟଇଆର ବ୍ୟୁରୋ): ଗତ କାଲି ଥିଲା ଇଞ୍ଜିନିୟର ଡେ । ଆଉ ଗତ କାଲି ରାତିରେ ଆରଏସପିର ଜଣେ ଇଞ୍ଜିନିୟରଙ୍କୁ ଲୁହା ରଡରେ ପିଟି ହତ୍ୟା କରାଯାଇଛି । ସୂଚନା ଅନୁସାରେ ରାଉରକେଲା ଷ୍ଟିଲ ପ୍ଲାଣ୍ଟ ଭିତରେ ଥିବା ଫୋରୋସ୍କରାପ ନିଗମ ଲିମିଟେଡରେ ଇଞ୍ଜିନିୟର ଭାବେ କାର୍ଯ୍ୟରତ ଥିବା ଜେ ଗଣେଶ କୁମାରଙ୍କୁ ହତ୍ୟା କରାଯାଇଛି । ଜଣେ ଠିକା ଶ୍ରମିକଙ୍କ ଆକ୍ରମଣରେ ମୃତୁ ବରଣ କରିଛନ୍ତି ଇଞ୍ଜିନିୟ ଜଣଙ୍କ । ଜେ ଗଣୋ କୁମାର ବହୁ ଦିନ ଧରି କାମରେ ଠକୁ ଥିବା ଠିକା ଶ୍ରମିକ ଅନିଲ ଲୋହରାଙ୍କୁ ତାଗିଦ କରିବା ସହ ଚେତାବଣି ଦେଇଥିଲେ ।
ତେବେ ଗତ କାଲି ଅନିଲ କାମ ନକରି ଠକିବାରୁ ଇଞ୍ଜିନିୟର ଗଣେଶ ତାଙ୍କୁ ଗାଳି କରିବା ସହ ତାଗିତ କରିଥିଲେ । ଏଥିରେ ରାଗି ଯାଇ ଅନିଲ ପାଖରେ ପଡିଥିବା ଏକ ଲୁହା ରଡରେ ଗଣେଶଙ୍କ ଉପରକୁ ଆକ୍ରମଣ କରିଥିଲେ । ଗୁରୁତର ଅବସ୍ଥାରେ ଗଣେଶଙ୍କୁ ଆରଜିଏସରେ ଭର୍ତ୍ତି କରାଯାଇଥିଲା । ସେଠାରେ ଚିକିସ୍ଥାଧିନ ଅବସ୍ଥାରେ ତାଙ୍କର ମୃତୁ ଘଟିଥିଲା । ପୋଲିସ ଅଭିଯୁକ୍ତକୁ ଗିରଫ କରି ଘଟଣାର ତଦନ୍ତ ଆରମ୍ଭ କରିଛି । ଜେ ଗଣେଶ କୁମାରଙ୍କ ଘର ଚେନ୍ନାଇରେ ବୋଲି ଜଣା ପଡିଛି । ତାଙ୍କ ଶବକୁ ବର୍ତ୍ତମାନ ଆଇଜିଏଚ ଶବ ଗୃହରେ ରଖାଯାଇଛି । ଗଣେଶଙ୍କ ଘର ଲୋକ ଆସିଲେ ଶବ ବ୍ୟବସ୍ଥଦ କରାଯିବା ବୋଲି ସୂଚନା ମିଳିଛି ।
