ଫୁଲବାଣୀ (ଏଟିଆର ବ୍ୟୁରୋ) ; ଗଞ୍ଜେଇ ମାଫିଆକୁ ପାନେ ଦେଇଛି ପୋଲିସ । ପୋଲିସ ଗୁଳିରେ ଆହତ ହୋଇଛି ମାଫିଆ । ଆହତ ମାଫିଆ ଜଣଙ୍କ ହେଲେ ମୁନା ଦିଗାଲ । ବହୁ ଦିନ ଧରି ଚଲେଇ ଆସିଥିଲା ଗଞ୍ଜେଇ ବେପାର । ଗତ ୨ ତାରିଖରେ ଫୁଲବାଣୀ ଆନନ୍ଦ ବଜାର ଗୋଛାପଡା ଥାନା ଓଆଇସିଙ୍କୁ ମରଣାନ୍ତକ ଆକ୍ରମଣ କରିଥିଲା । ସେବେଠାରୁ ପୋଲିସ ମୁନାକୁ ଖୋଜୁଥିଲା । ବ୍ରାହ୍ମଣୀ ପାହାଡରେ ରହୁଥବା ପୋଲିସ ପାଖରେ ରହୁଥିବା ସୂଚନା ମିଳିଥିଲା ପୋଲିସକୁ । ତେବେ ଏହି ଖବର ପାଇବା ପରେ ଗତ କାଲି ବିଳମ୍ବିତ ରାତିରେ ପୋଲିସ ଧରିବା ପାଇଁ ଯାଇଥିଲା । ଘଟଣାସ୍ଥଳରେ ପହଁଞ୍ଚିବା ପରେ ପୋଲିସ ଉପରେ ଗୁଳି ଚଳାଇଥିଲା ମୁନା । ତେବେ ପ୍ରତି ଆକ୍ରମଣ କରିବାକୁ ବାଧ୍ୟ ହୋଇଥିଲା ପୋଲିସ । ପାଲଟା ଗୁଳିରେ ବାଜିଥିଲା ମୁନାର ଆଣ୍ଠୁରେ । ଗୁଳି ବାଜିବା ପରେ ସେଠାରେ ଟଳିପଡିଥିଲା । ପରେ ପୋଲିସ ତାକୁ ଉଦ୍ଦ଼ାର କରି ଡାକ୍ତରଖାନରେ ଭତ୍ତି କରିଥିଲା ।
ଏବେ ଫୁଲବାଣୀ ଡାକ୍ତରଖାନାରେ ଚିକିତ୍ସିତ ହେଉଛି ମୁନା । ଆକ୍ରମଣ କରିଥିବା ଦେଶୀ ପିସ୍ତଲ ଏବଂ ମୁନାର ବାଇକକୁ ଜବତ କରିଛି ପୋଲିସ । ପୂର୍ବରୁ ମୁନାର ନେଟସ୍ୱାର୍କ ଲମ୍ବାଥିଲା ଏବଂ ମୁନା ନାଁରେ ୧୧ଟି ମାମଲା ଅଛି । ଏଣୁ ମୁନାକୁ ଗିରଫ କରିବା ପାଇଁ ୱାରେଣ୍ଟ ରହଥିବା କହିଛନ୍ତି କନ୍ଧମାଳ ଜିଲ୍ଲା ଅତିରିକ୍ତ ଏସପି । ତେବେ ମୁନାର ଏହି ନେଟୱାର୍କ କେଉଁ ଆଡେ ଲମ୍ବିଛି ସେ ନେଇ ଅଧିକ ତଥ୍ୟ ପାଇଁ ତଦନ୍ତ ଜାରି କରିଛି ପୋଲିସ ।
