ଭୁବନେଶ୍ୱର,(ଏଟିଆର ବ୍ୟୁରୋ): ଖାରବେଳନଗର ଥାନା ଇଲାକାରେ ଅଚାନକ କ୍ୟୁଏଟିର ଚଢ଼ାଉ । ଜବତ ହେଲା ବନ୍ଧୁକ, ଧରାହେଲେ ଦେହଜୀବୀ । କେବଳ ଏତିକି ନୁହେଁ ଘଟଣାସ୍ଥଳରୁ ୪ଜଣ ଯୁବକଙ୍କୁ ପୁଲିସ ଅଟକ ରଖିଥିବା ବେଳେ ସେମାନଙ୍କ ପାଖରୁ ଏକ ବନ୍ଧୁକ ଜବତ କରିଥିବା ସୂଚନା ମିଳିଛି ।
ତେବେ ବନ୍ଧୁକ ସେମାନେ କେଉଁଠୁ ଆଣିଲେ ଓ କେଉଁ ଉଦ୍ଦେଶ୍ୟରେ ପାଖରେ ରଖିଥିଲେ ସେନେଇ ଅଧିକ ଖୋଳତାଡ ଆରମ୍ଭ କରିଛି ପୁଲିସ । ରିପୋର୍ଟ ଅନୁସାରେ, ଖାରବେଳନଗର ଥାନା ଅଧିନରେ ଥିବା ସ୍ୱସ୍ତି ହୋଟେଲ ପଛପଟେ ଜଣେ ଯୁବତୀଙ୍କୁ ଧରି କେତେକ ଯୁବକ ଅନୈତିକ କାର୍ଯ୍ୟ କରୁଥିବା ସୂଚନା ମିଳିଥିଲା । ଘଟଣାର ସତ୍ୟାସତ୍ୟ ଜାଣିବା ନେଇ କ୍ୟୁଏଟି ଟିମ ଖୋଳତାଡ ଆରମ୍ଭ କରିଥିଲା ।
ତେବେ ସୂଚନା ମିଳିବା ପରେ ଅଚାନକ କ୍ୟୁଏଟି ଟିମ ଚଢ଼ାଉ କରିଥିଲା । ଚଢ଼ାଉ ବେଳେ ୪ଜଣ ଯୁବକଙ୍କ ସମେତ ଜଣେ ଦେହଜୀବୀଙ୍କୁ ପୁଲିସ ଧରିଥିବା ଖବର ମିଳିଛି । ତେବେ ସେମାନଙ୍କ ପାଖରୁ ଜବତ ବନ୍ଧୁକ ପୁଲିସ ଲାଗି ଅନେକ ପ୍ରଶ୍ନ ଛିଡା କରିଛି ।
