ବାରିପଦା ( ଏଟିଆର ବ୍ୟୁରୋ); ଟ୍ରିପଲ ମର୍ଡର । ସ୍ୱାମୀ, ସ୍ତ୍ରୀ ସମେତ ଜଣେ ମହିଳାଙ୍କୁ ହତ୍ୟା । ହତ୍ୟା ପରେ ଟାଙ୍ଗିଦେଲେ ଗଛରେ । ଏମତି ଏକ ଅଭାବନୀୟ ଘଟଣା ଘଟିଛି ବାରିପଦା ଡାଡ କିଣୋଳ ଗ୍ରାମରେ । ସୂଚନା ଅନୁସାରେ ଉକ୍ତ ଗ୍ରାମରେ ସ୍ୱାମୀ ସ୍ତ୍ରୀ ସମେତ ଅନ୍ୟଜଣଙ୍କୁ କରାଯାଇଛି ହତ୍ୟା । ହତ୍ୟା କରାଯିବା ପରେ ସ୍ୱାମୀ ଗଛରେ ଟଙ୍ଗା ହୋଇଥିବା ବେଳ ମହିଳା ଦୁଇଜଣଙ୍କ ଶବ ଘରେ ପଡିଥିବା ଦେଖାଯାଇଛି ।
ପୁଲିସ ଘଟଣା ସ୍ଥଳରେ ପହଞ୍ଚି ଶବ ଜବତ କରି ବ୍ୟବଛେଦ ପାଇଁ ପଠାଇଛି । ତେବେ ପୂର୍ବ ଶତୃତାକୁ ନେଇ କେହି ଏମିତି କରିଥିବା ସନ୍ଦେହ କରାଯାଉଛି ।ତେବେ ଗଛରେ ଶବ ଟଙ୍ଗା ହୋଇଥିବା ପଡୋଶୀ ଦେଖିଥିଲେ । ପରେ ଏନେଇ ପୋଲିସକୁ ଖବର ଦିଆଯାଇଥିଲା । ମୃତକଙ୍କ ୁ ହାତୁଡିରେ ଛେଚି ହତ୍ୟା କରାଯାଇଛି , ଦୁଇ ମହିଳାଙ୍କ ଦେହର ବିଭିନ୍ନ ଅଂଶରେ କ୍ଷତ ରହିଛି । ମୃତକଙ୍କ ନାମ ଶ୍ୟାମ ଭାଟି ବୋଲି ଜଣା ପଡିଛି । ମୃତକ ଶ୍ୟାମ ଭାଟିଙ୍କ ଶଳା ସୁନାରାମ ମୁର୍ମୁ ଏନେଇ ଥାନାରେ ଏତଲା ଦେଇଛନ୍ତି ।
ଏତଲାରେ ତାଙ୍କ ଭିଣୋଇ ପ୍ରଥମେ ଦୁଇ ଭଉଣୀଙ୍କୁ ହାତୁଡିରେ ବାଡେଇ ମାରିବା ପରେ ନିଜେ ଆତ୍ମହତ୍ୟା କରିଛନ୍ତି ବୋଲି ସେ ଦର୍ଶାଇଛନ୍ତି । ଆହୁରି ମଧ୍ୟ ସୁନାରାମ କହିଛନ୍ତି ତାଙ୍କ ଭିଣୋଇ ଜଣେ ମାନସିକ ବିକାରଗ୍ରସ୍ତ ରୋଗୀ । ଅପରପକ୍ଷେ ଗ୍ରାମବାସୀ ସନ୍ଦେହ କରୁଛନ୍ତି କେହି ତିନିଜଣଙ୍କୁ ମାରି ଆତ୍ମହତ୍ୟାର ରୂପ ଦେଉଛି । ସୂଚନା ଯୋଗ୍ୟ ମୃତ ଦୁଇ ମହିଳା ଶ୍ୟାମଙ୍କ ସ୍ତ୍ରୀ । ସେମାନେ ମଧ୍ୟ ଦୁଇ ଭଉଣୀ । ଘଟଣାକୁ ନେଇ ବାରପଦା ଏସଡିପିଓ କହିଛନ୍ତି ତଦନ୍ତ ପରେ ପୁରା ଘଟଣା ସ୍ପଷ୍ଟ ହେବ ।
