ଭୁବନେଶ୍ୱର (ଏଟିଆର ବ୍ୟୁରୋ): ସ୍ପେଶାଲ ସ୍କ୍ୱାଡର ସଫଳତା । ରାଜଧାନୀରେ ମହିଳାଙ୍କ ତଣ୍ଟି କାଟି ଲୁଟ୍ ଉଦ୍ୟମ ପରେ ଚମ୍ପଟ ମାରିଥିବା ଦୁର୍ବତ୍ତକୁ ଗିରଫ କରିଛି ସ୍ପେଶାଲ ସ୍କ୍ୱାଡ । ସିସିଟିଭ ଫୁଟେଜ ଆଧାରେ ଆକ୍ରମଣକାରୀଙ୍କୁ ଗିରଫ କରାଯିବା ପରେ ମହିଳାଙ୍କୁ କଣ ପାଇଁ ଆକ୍ରମଣ କରିଥିଲା ସେ ନେଇ ତାକୁ ପଚରାଉଚରା କରାଯାଉଛି ।
ସୂଚନାଯୋଗ୍ୟ, ଦୁଇଦିନ ତଳେ ସକାଳ ସମୟରେ ନୟାପଲ୍ଲୀ ଭିଆଇପି କଲୋନୀରେ ମହିଳା ଜଣଙ୍କ ଫୁଟପାତରେ ଚାଲି ଚାଲି ପରିବା କିଣିବାକୁ ଯାଉଥିଲେ । ସେହି ସମୟରେ ଜଣେ ଦୁର୍ବୃତ୍ତ ଆସି ତାଙ୍କୁ ଅଟକାଇଥିଲା ଏବଂ ଫୋନ ଛଡେଇବା ପାଇଁ ଚେଷ୍ଟା କରିଥିଲା । ସେଥିରେ ସେ ସଫଳ ନହେବାରୁ ସେ ତାର ପକେଟରୁ ଧାରୁଆ ଅସ୍ତ୍ର ବାହାର କରି ମହିଳାଙ୍କ ତଣ୍ଟି ରେ ଲଗେଇ ଦଉଡିଥିଲା । ତଥାପି ତାର ମନ ବୁଝିନଥିଲା ପୁଣି ଫେରିକି ମହିଳାଙ୍କୁ ଆକ୍ରମଣ କରିବାକୁ ଆସିବା ସମୟରେ ମହିଳା ଜଣକ ନିଜର ବୁଦ୍ଧି ଖଟାଇ ରାସ୍ତା ଆର ପଟକୁ ଧାଇଁ ଯାଇଥିଲେ ।
