ଢ଼େଙ୍କାନାଳ (ଏଟିଆର ବ୍ୟୁରୋ); ତାସ ଖେଳୁ ଥିବା ସମୟରେ ଆସି ଯୁକକଙ୍କୁ ଛୁରାମାଡ କଲେ ଦୁଇ ଭାଇ । ପୁଅକୁ ବଞ୍ଚାଇବାକୁ ଯାଇ ବାପା ଏବଂ ଦାଦା ମଧ୍ୟ ଲହୁ ଲୁହାଣ ହୋଇଛନ୍ତି । ଗୋଟିଏ ପରିବାରର ତିନି ଜଣଙ୍କୁ ହୋଇଛି ଆକ୍ରମଣ । ଏହି ଆକ୍ରମଣରେ ତିନି ଜଣ ଗୁରୁତର ହୋଇଛନ୍ତି । ତେବେ ଏଭଳି ଘଟଣା ଘଟିଛି ଢ଼େଙ୍କାନାଳ ଜିଲ୍ଲା ପର୍ଜଙ୍ଗ ଥାନା ଅନ୍ତର୍ଗତ ବସୋଇ ଗାଁରେ । ଏହି ଗାଁର ପ୍ରଭାକର ବିଶ୍ୱାଳ,ପୁଅ ପ୍ରକାଶ ବିଶ୍ୱାଳ ଏବଂ ଦାଦା ବେଣୁଧର ବିଶ୍ୱାଳଙ୍କୁ ଛୁରି ମାଡ ହୋଇଛି । ସେମାନଙ୍କୁ କଟକ ବଡ ମେଡିକାଲରେ ଭର୍ତ୍ତି କରାଯାଇଛି । ପୋଲିସ ଖବର ପାଇବା ପରେ ଘଟଣାର ତଦନ୍ତ ଆରମ୍ଭ କରିଛି ।
ମିଳିଥିବା ସୂଚନା ମୁତବକ ଗତକାଲି ଚଉପାରି ନିକଟରେ ପ୍ରକାଶ ତାସ ଖେଳୁଥିବା ବେଳେ ସେହି ଗାଁର କାଳିଆ ଏବଂ ବଳିଆ ଦୁଇ ଭାଇ ଆସି ହଠାତ ଛୁରାମାଡ କରିଥିଲେ । ଏଥିରେ ପ୍ରକାଶ ଆହାତ ହୋଇଥିଲେ ଏବଂ ଚିକ୍ରାର କରିବା ପରେ ଘରୁ ବାପା ଏବଂ ଦାଦା ଆସି ପୁଅକୁ ବଞ୍ଚାଇବା ପାଇଁ ଯାୁଥିବା ବେଳେ ସେମାନେ ପ୍ରକାଶଙ୍କୁ ଛାଡି ତାଙ୍କ ବାପା ଏବଂ ଦାଦାଙ୍କୁ ଛୁରାମାଡ କରିଥିଲେ । ଛୁରାମାଡରେ ତିନିଜଣଙ୍କ ଦେହରେ ଗୁରୁତର କ୍ଷତ ହୋଇଛି । ସ୍ଥାନୀୟ ଲୋକ ସେମାନଙ୍କୁ ଉଦ୍ଧାର କରି ପ୍ରଥମେ କାମାକ୍ଷନଗର ମେଡିକାଲରେ ଭର୍ତ୍ତି କରିଥିଲେ । ପରେ ଅବସ୍ଥା ସଙ୍କଟାପର୍ଣ୍ଣ ହେବାରୁ ସେମାନଙ୍କୁ କଟକ ବଡ ମେଡିକାଲକୁ ସ୍ଥାନାନ୍ତରିତ କରାଯାଇଛି । ପୋଲିସ ଘଟଣାର ତଦନ୍ତ ଆରମ୍ଭ କରିଛି ।
