ଭୁବନେଶ୍ୱର ( ଏଟିଆର ବ୍ୟୁରୋ): ଚଳିତ ବର୍ଷ ଭୁବନେଶ୍ୱରରେ ନିଡାମ୍ବର ଭାବେ ଦୁର୍ଗାପୂଜା ପାଳନ କରାଯିବ । ଚଳିତ ବର୍ଷ କରୋନା ସଂକ୍ରମଣ ଚାଲିଥିବାରୁ ଦୁର୍ଗାପୂଜାକୁ ଯଥା ସମ୍ଭବ ନିଡାମ୍ବର ଭାବେ ପାଳନ କରିବାକୁ ଯୋଜନା କରାଯାଇଛି । ଏନେଇ ପୂଜା କମିଟି ଓ ପୋଲିସ କମିଶନରଙ୍କ ମଧ୍ୟରେ ଏକ ଗୁରୁତ୍ୱପୂଣ୍ଣ ବୈଠକ ଅନୁଷ୍ଠିତ ହୋଇଯାଇଛି ।
ତେବେ ହୋଇଥିବା ନିଷ୍ପତ୍ତି ଅନୁସାରେ ଚଳିତବର୍ଷ ତୋରଣ ଓ ଲାଇଟ ଲାଗିବ ନାହିଁ । ମାଇକ ମଧ୍ୟ ବାଜିବ ନାହିଁ । ମୂର୍ତ୍ତିର ଉଚ୍ଚତା ୪ ରୁ ୫ ଫୁଟ ମଧ୍ୟରେ ରହିବ । ରାବଣ ପୋଡି ଓ ଭସାଣୀ ଉତ୍ସବ ହେବ ନାହିଁ । ଘରଘର ବୁଲି ଚାନ୍ଦା ମଧ୍ୟ ଆଦାୟ କରାଯିବ ନାହିଁ । ପୂଜା କମିଟିରୁ ମାତ୍ର ୧୦ ଜଣ ସଦସ୍ୟ ପୂଜା ସମୟରେ ଉପସ୍ଥିତ ରହିବେ । ଭକ୍ତମାନେ ମାଙ୍କ ପୂଜାର୍ଚ୍ଚନା ପାଇଁ ମଣ୍ଡପକୁ ଆସିବେ ନାହିଁ ।
