ଭୁବନେଶ୍ୱର,(ଏଟିଆର ବ୍ୟୁରୋ): ଦିନକୁ ଦିନ ରାଜଧାନୀରେ ବଢ଼ି ଚାଲିଛି ନିଶା କାରବାର । ଗଞ୍ଜେଇ, ଚୋରା ମଦ ଖୁଲେଆମ ବିକ୍ରି ହେଉଥିବା ବେଳେ ଏବେ ମୁଣ୍ଡ ବିନ୍ଧାର କାରଣ ହୋଇଛି ବ୍ରାଉନସୁଗାର । ଚାଲିଛି ବେଧଡକ ବ୍ରିକି । କିଛିଦିନ ତଳେ ଲକ୍ଷ୍ମୀସାଗର ଓ ସାଲିଆସାହିରୁ ଚୋରା ବ୍ରାଉନସୁଗାର ଜବତ ହୋଇଥିଲା । ପଚରାଉଚରା ବେଳେ ଏହାର ନେଟୱାର୍କ ସାରା ରାଜଧାନୀରେ ଲମ୍ବିଥିବା ଜଣାପଡିଥିଲା ।
ତେବେ ଆଜି ପୁଣି ବାଉନସୁଗାର ଜବତ ହେବା ଘଟଣା ପ୍ରମାଣ କରୁଛି ବାଉନସୁଗାର କବଳରେ ହିଁ ରହିଛି ରାଜଧାନୀ । ମଞ୍ଚେଶ୍ୱର ଅଞ୍ଚଳରେ ଅବକାରୀ ବିଭାଭ ଅଚାନକ ଚଢ଼ାଉ କରି ୫୬ଗ୍ରାମ ବ୍ରାଉନସୁଗର ଜବତ କରିଛି । ଘଟଣାରେ ସମ୍ପୃକ୍ତ ଜଣେ ଅଭିଯୁକ୍ତକୁ ଗିରଫ କରିବା ସହ ତା’ପାଖରୁ ଏକ ସ୍କୁଟି ଜବତ କରିଛି । ତେବେ ସେ ବ୍ରାଉନସୁଗାର କେଉଁଠୁ ଆଣେ’ ଓ ତାହା ସହ ଆଉ କେଉଁମାନେ ଜଡିତ ରହିଛନ୍ତି ସେନେଇ ଅଧିକ ତଦନ୍ତ ଜାରି ରହିଛି ।
