ମୁମ୍ବାଇ(ଏଟିଆର ବ୍ୟୁରୋ):ବହୁ ପ୍ରତିକ୍ଷୀତ ଫିଲ୍ମ ଆଦିପୁରୁଷର ସୁଟିଂ ସେଟରେ ନିଆଁ ଲାଗିଛି । ସୁଟିଂ ସେଟରେ ନିଆଁ ଲାଗିଥିବା ବେଳେ ସେଠାରେ ପାଖାପାଖି ୫୦ ରୁ ୬୦ ଜଣ ଉପସ୍ଥିତ ଥିଲେ । ସୁଟିଂର ପ୍ରଥମ ଦିନରେ ନିଆଁ ଲାଗିଥିବା ବେଳେ ସବୁ ଜାଳିପୋଡି ଛାରଖାର ହେେଇଯାଇଛି ।
ଫିଲ୍ମ ‘ଆଦିପୁରୁଷ’ ର ସେଟ୍ ରେ ଲାଗିଥିବା ନିଆଁକୁ କାବୁ କରିବା ପାଇଁ ମୁମ୍ବାଇ ଅଗ୍ନିଶମବାହିନୀର ୮ଟି ଗାଡି, ୫ଟି ଜମ୍ବୋ ଟ୍ୟାଙ୍କର, ଗୋଟିଏ ପାଣି ଟ୍ୟାଙ୍କର ଏବଂ ଜେସିବି ପଠାଯାଇଥିଲା ।ନିଆଁକୁ ଆୟତ କରାଯିବା ପରେ ସ୍ଥିତିକୁ ନିୟନ୍ତ୍ରଣ ରଖାଯାଇଛି । ଏଥିରେ କାହାର କୈାଣସି କ୍ଷୟକ୍ଷତି ହୋଇନଥିବାର ସୂଚନା ମିଳିନାହିଁ ।
ଏହି ଚଳଚ୍ଚିତ୍ର ପାଇଁ ୪୦୦ କୋଟି ଟଙ୍କାର ବଜେଟ ହୋଇଛି। ଏହାର ଶୁଟିଂ ସେଟ୍ ମୁମ୍ବାଇ ପଶ୍ଚିମ ଗୋରେଗାଓଁ ଅଞ୍ଚଳରେ ନିର୍ମାଣ ହୋଇଛି। ଗତ ୨ମାସ ଧରି ଏଠାରେ ରିହର୍ସାଲ ଏବଂ ପ୍ରସ୍ତୁତି ଚାଲୁ ରହିଥିଲା।
ଅଗ୍ନିକାଣ୍ଡ ସମୟରେ ସମସ୍ତ ସୁରକ୍ଷା ବ୍ୟବସ୍ଥା ଗ୍ରହଣ କରାଯାଇଥିବାରୁ ସମସ୍ତେ ସୁରକ୍ଷିତ ଥିବା ଚଳଚ୍ଚିତ୍ର ନିର୍ଦେଶକ ଓମ୍ ରାଉତ ଗଣମାଧ୍ୟମକୁ କହିଛନ୍ତି।
