ଭୁବନେଶ୍ୱର (ଏଟିଆର ବ୍ୟୁରୋ) ; ସ୍ଥାନୀୟ ବାପୁଜୀ ନଗରରେ ଥିବା ଷ୍ଟେଟ ବ୍ୟାଙ୍କରେ ନିଆଁ । ଆଜି ଭୋର ୫ଟାରେ ବ୍ୟାଙ୍କର ତୃତୀୟ ମହଲାରେ ଅଗ୍ନିକାଣ୍ଡ ହୋଇଥିବା ଦେଖିବାକୁ ମିଳିଥିଲା । ଯାହାକୁ ଦେଖି ଭୟ କରିଯାଇଥିଲେ ସ୍ଥାନୀୟ ଲୋକ । ତେବେ ଏହି ଖବର ପାଇବା ପରେ ଦମକଳ ବାହିନୀ ଘଟଣା ସ୍ଥଳରେ ପହଁଞ୍ଚି ନିଆାଁକୁ ଆୟତ କରିବାରେ ସଫଳ ହୋଇଥିଲା । ମାତ୍ର ନିଆଁ ଏତେ ଜୋରରେ ବ୍ୟାପି ଯାଇଥିଲା ଯେ ତୃତୀୟ ମହଲାରେ ଥିବା ବହୁ ଗୁରୁତ୍ୱପୂର୍ଣ୍ଣ କାଗଜପତ୍ର ପୋଡି ଯାଇଥିବା ସୂଚନା ମିଳିଛି । ଟଙ୍କା ପଇସା ପୋଡିଛି କି ନାଇଁ ସେ ସମ୍ପର୍କରେ କୈାଣସି ସୂଚନା ମିଳି ପାରିନାହିଁ । ଏହି ଅଗ୍ନିକାଣ୍ଡରେ ସମୁଦାୟ କେତେ କ୍ଷତି ହୋଇଛି ତାହା ଜଣା ପଡି ନାହିଁ ।
ଏହି ଅଗ୍ନିକାଣ୍ଡ କିପରି ଘଟିଲା ତାହା ସ୍ପଷ୍ଟ ହୋଇନାହିଁ । ତେବେ ଭୋର ସମୟରେ ନିଆଁ ଲାଗିଥିବାରୁ ସମସ୍ତଙ୍କ ମନରେ ସନ୍ଦେହ ଆସିଛି । କିନ୍ତୁ ଏହା ସଟ ସର୍କିଟ ପାଇଁ ହୋଇଥିବା ଅନେକ ସନ୍ଦେହ କରୁଛନ୍ତି । ନିଆଁ ଲାଗିବା ଘଟଣା ପୋଲିସ ଜାଣିବା ପରେ ଘଟଣାର ତଦନ୍ତ କରୁଛନ୍ତି ।
