ଭଦ୍ରକ ( ଏଟିଆର ବ୍ୟୁରୋ): ଭଦ୍ରକରେ ଗଣ ଦୁଷ୍କର୍ମ । ଯାତ୍ରା ଦେଖି ଫେରୁଥିବା ବେଳେ ଜଣେ ଛାତ୍ରୀଙ୍କୁ ଟେକି ନେଇ ଦୁଷ୍କର୍ମ । ଘଟଣାରେ ଜଣଙ୍କୁ ମାଡି ବସିଲେ ଗ୍ରାମବାସୀ । ଏହି ଅଭାବନୀୟ ଘଟଣା ଦେଖିବାକୁ ମିଳିଛି ଚାନ୍ଦବାଲି ବ୍ଲକ ବଡ଼ଓସ୍ତିଆ ପଂଚାୟତରେ ।ସୂଚନା ଅନୁସାରେ ପୀଡିତା ଛାତ୍ରୀ ଜଣଙ୍କ ତାଙ୍କ ଭାଇ ସହିତ ଚାନ୍ଦବାଲିରୁ ଯାତ୍ରା ଦେଖି ଫେରୁଥିବା ସମୟରେ ଚାନ୍ଦବାଲି କଲେଜ ରୋଡ଼ ଫାୟାର ଷ୍ଟେସନ୍ ନିକଟରେ ୪ଜଣ ଯୁବକ ତାଙ୍କ ଭାଇଙ୍କୁ ମାଡ଼ ମାରି ଛାତ୍ରୀଙ୍କୁ ଟେକି ନେଇ ଗଣ ଦୁଷ୍କର୍ମ କରିଛନ୍ତି ।
ତେବେ ଏହି ରାସ୍ତାଦେଇ ଅନ୍ୟ ଲୋକମାନେ ଯାଉଥିବା ସମୟରେ ଛାତ୍ରୀଙ୍କ ଚିକ୍ରାର ଶୁଣି ଘଟଣା ସ୍ଥଳରେ ପହଞ୍ଚିଲା ବେଳକୁ ଅଭିଯୁକ୍ତମାନଙ୍କ ମଧ୍ୟରୁ ୩ ଜଣ ମଟର ସାଇକେଲ ଯୋଗେ ସେଠାରୁ ଫେରାର ହୋଇଯାଇଥିଲେ । ମାତ୍ର ଜଣେ ଯୁବକଙ୍କୁ ଧରି ନେଇଥିଲେ ଗ୍ରାମବାସୀ । ଯୁବକକୁ ଗ୍ରାମବାସୀମାନେ ଧରି ଏକ ଇଲେକ୍ଟ୍ରି ଖୁଣ୍ଟରେ ବାନ୍ଧି ଦେଇଥିଲେ । ଏନେଇ ପୋଲିସକୁ ଖବର ମିଳିବା ପରେ ପୋଲିସ ଘଟଣା ସ୍ଥଳରେ ପହଞ୍ଚି ଗ୍ରାମବାସୀଙ୍କ ଠରୁ ଯୁବକକୁ ଉଦ୍ଧାର କରି ଥାନାକୁ ଆଣି ତଦନ୍ତ ଆରମ୍ଭ କରିଛି ।
