ଭୁବନେଶ୍ୱର(ଏଟିଆର ବ୍ୟୁରୋ): ପୁଣି ଖୋଲିଲା INOX ସିନେମା ହଲ । ବୁଧବାରଠୁ ବିଏମସି ଭବାନୀ ମଲ୍ରେ ଥିବା ଆଇନକ୍ସ ମଲ୍ଟିପ୍ଲେକ୍ସ ଦର୍ଶକଙ୍କ ପାଇଁ ଖୋଲିଥିବା ବେଳେ ଗୁରୁବାରଠୁ ଡିଏନ ରେଗାଲିଆରେ ଥିବା INOX ସିନେମା ହଲ୍ ଖୋଲିବ।
ସିନେମା ହଲରେ ଥିବା କର୍ମଚାରୀମାନଙ୍କ ଟିକାକରଣ କରାଯାଇଥିବାବେଳେ ସିନେମା ହଲକୁ ଆସୁଥିବା ଦର୍ଶକଙ୍କ ଟିକାକରଣର ପ୍ରମାଣପତ୍ର ଦେଖାଇବା ବାଧ୍ୟତାମୂଳକ ବୋଲି ସିଦେମା ହଲ କତ୍ତୃପକ୍ଷ ସୂଚନା ଦେଇଛନ୍ତି । ହଲ ଭିତରେ ସମସ୍ତ ପ୍ରକାରର କୋଭିଡ ନିୟମ ପାଳନ କରିବା ବାଧ୍ୟତାମୂଳକ ଯେପରିକି ସାମାଜିକ ଦୂରତା ରକ୍ଷା କରିବା , ନିୟମିତ ମାସ୍କ ପିନ୍ଧିବା , ଓ ସାନିଟାଇଜର ବ୍ୟବହାର ଉପରେ ଗୁରୁତ୍ୱ ଦିଆଯାଇଛି । ତେବେ ଦର୍ଶକ କେବଳ ଇ ଟିକେଟ ନେଇ ସିନେମା ଦେଖିପାରିବେ ।
ହଲ୍ ପକ୍ଷରୁ ଛୋଟ ଗ୍ରୁପ୍ ଏବଂ ପରିବାର ପାଇଁ ବିଶେଷ ବ୍ୟବସ୍ଥା ହୋଇଛି। ଗୋଟିଏ ପରିବାର ଚାହିଁଲେ ମଧ୍ୟ ସେମାନଙ୍କ ମନପସନ୍ଦରେ ଫିଲ୍ମ ଦେଖିପାରିବେ। ଦର୍ଶକଙ୍କୁ ଅନଲାଇନ୍ରେ ଖାଦ୍ୟ ମିଳିପାରିବ। ଏପରିକି ସିନେମା ହଲ୍ରେ ବିଶେଷ ଖାଦ୍ୟର ବ୍ୟବସ୍ଥା ମଧ୍ୟ କରାଯାଇଥିବା ଜଣାପଡ଼ିଛି । ଦର୍ଶକ ଯିବା ଆସିବା ପରେ ଗେଟଠୁ ଆରମ୍ଭ କରି ଲବି ପର୍ଯ୍ୟନ୍ତ ସମସ୍ତ ସ୍ଥାନକୁ ସାନିଟାଇଜ କରାଯିବ ।
