ନୂଆ ଡିସିପି ଭାବେ ଦାୟିତ୍ୱ ଗ୍ରହଣ କଲେ ଆଇପିଏସ ସୌମ୍ୟା ମିଶ୍ର

ଭୁବନେଶ୍ୱର (ଏଟିଆର ବ୍ୟୁରୋ): ୨୦୧୪ ବ୍ୟାଚର ଆଇପିଏସ ଅଫିସର ସୌମ୍ୟା ମିଶ୍ର ହେଲେ ଟ୍ରାଫିକ ଡିସିପି । ଆଜି ଆଇପିଏସ ସୌମ୍ୟା ମିଶ୍ର ଟ୍ରାଫିକ ଡିସିପି ଭାବେ ଦାୟିତ୍ୱ ଗ୍ରହଣ କରିଛନ୍ତି । ପୋଲିସ କମିଶନର ସୁଧାଂଶୁ ଷଡଙ୍ଗୀଙ୍କ ଉପସ୍ଥିତିରେ ସେ ଦାୟିତ୍ୱ ଗ୍ରହଣ କଲେ । ଭୁବନେଶ୍ୱର କମିସନରେଟ ପୋଲିସ କାର୍ଯ୍ୟାଳୟକୁ ଯାଇ କାର୍ଯ୍ୟରେ ଯୋଗ ଦେଇଛନ୍ତି ସୌମ୍ୟା ମିଶ୍ର ।
ଆଇପିଏସ୍ ସାଗରିକ ନାଥଙ୍କ ବଦଳି ପରେ ଆଇପିଏସ ସୌମ୍ୟା ମିଶ୍ର ଟ୍ରାଫିକ ଡିସିପି ଭାବେ ଦ୍ୱାୟିତ୍ୱ ଗ୍ରହଣ କରିଛନ୍ତି । ଲକ୍ଷ୍ନୌର ଲୋରେଟୋ କନଭେଣ୍ଟ ସ୍କୁଲରୁ ଶିକ୍ଷା ଗ୍ରହଣ କରିଛନ୍ତି ସୌମ୍ୟା ମିଶ୍ର । ଏହାସହ ଏଲଏସଆର ଓ ଦିଲ୍ଲୀ ସ୍କୁଲ ଅଫ ଇକୋନୋମିକ୍ସରୁ ବିଏ, ଏମଏ ଓ ସୋସିଓଲୋଜି ଅଧ୍ୟୟନ କରିଛନ୍ତି। ୨୦୧୪ ବ୍ୟାଚର ଆଇପିଏସ ଅଫିସର ଏହା ପୁର୍ବରୁ ସୁନ୍ଦରଗଡ ଏସପି ଭାବେ ଦାୟିତ୍ୱ ନିର୍ବାହ କରିଛନ୍ତି।