କୋଣାର୍କ (ଏଟିଆର ବ୍ୟୁରୋ) : କୋଣାର୍କ ସୂର୍ଯ୍ୟମନ୍ଦିର ବୁଲି ଦେଖିଲେ ଆମେରିକା ରାଷ୍ଟ୍ରଦୂତ ଓ ତାଙ୍କ ପତ୍ନୀ । ଓଡିଶା ଗସ୍ତରେ ଥିବା ଆମେରିକୀୟ ରାଷ୍ଟ୍ରଦୂତ କିନିଥ୍ ଆଇ ଜଷ୍ଟର ଓ ତାଙ୍କ ପତ୍ନୀ ଆଜି ସକାଳେ କୋଣାର୍କରେ ପହଂଚିଥିଲେ । ସେଠାରେ କୋଣାର୍କ ଥାନା ଅଧିକାରୀ, ଗୋପ ତହସିଲଦାର ଓ ପର୍ଯ୍ୟଟନ ବିଭାଗର ଅଧିକାରୀମାନେ ଆମେରିକୀୟ ଦମ୍ପତ୍ତିଙ୍କୁ ସୂର୍ଯ୍ୟମନ୍ଦିର ବୁଲି ଦେଖାଇଥିଲେ । ତେବେ ମନ୍ଦିରର କଳାକୃତି ଓ ଭାସ୍କର୍ଯ୍ୟକୁ ବେଶ ପ୍ରଶଂସା କରିଛନ୍ତି ଆମେରିକୀୟ ଦମ୍ପତ୍ତି । ଏଭଳି ଉଚ୍ଚକୋଟୀର କାରିଗରୀ ଅନ୍ୟ କେଉଁଠି ଦେଖିନାହାଁନ୍ତି ବୋଲି ସେମାନେ କହିବା ସହ ଓଡିଶାରେ ବୁଲିବାକୁ ତାଙ୍କୁ ମଜା ଲାଗୁଛି ବୋଲି କହିଛନ୍ତି ।
