ମୟୁରଭଞ୍ଜ(ରାଜ ଗୁପ୍ତା): ମୟୁରଭଞ୍ଜ ଜିଲ୍ଲା ଯଶିପୁର ଥାନା କୃପା ଢ଼ାବା ନିକଟରେ କଲିକତା ଅଭିମୁଖେ ଯାଉଥିବା ଏକ ଗୋରୁ ବୋଝେଇ କଣ୍ଟେନ ସହିତ ଏକ ମାଲବାହୀ ଟ୍ରକ ମୁହାଁ ମୁହିଁ ଧୋକା ହୋଇଛି । ଏହି କଣ୍ଟେନରେ ୫୨ଟି ଗୋରୁ ଥିଲେ । ଏହି ଦୁର୍ଘଟଣା ପରେ ଗୋରୁ ଚାଲାଣକାରୀ ମାଫିଆ ମାନେ ଅନ୍ୟ ଏକ ଗାଡ଼ିରେ ଗୋରୁ ଗୁଡ଼ିଙ୍କୁ ଲୋଡ଼ କରି କେନ୍ଦୁଝର ଆଡକୁ ନେଇଯାଇଥିଲେ, ଦୁଇଟି ଆହତ ଗୋରୁଙ୍କୁ ଅସହାୟ ଅବସ୍ଥାରେ ଘଟଣା ସ୍ଥଳରେ ଛାଡି ପଳାଇଥିଲେ ।
ଏହି ଘଟଣା ପ୍ରଚାର ହେବା ଫଳରେ ଯଶିପୁର ଗୋ ସୁରକ୍ଷା ସମିତିର କର୍ମକର୍ତ୍ତା ମାନେ ଘଟଣା ସ୍ଥଳରେପହଞ୍ଚି ଆହତ ଗୋରୁଙ୍କୁ ଉଦ୍ଧାର କରି ସେବା ମଧ୍ୟ କରିଥିଲେ । ଏହା ପରେ ଯଶିପୁର ପୋଲିସ ଘଟଣା ସ୍ଥଳରେ ପହଞ୍ଚି ଦୁର୍ଘଟଣା ଘଟାଇଥିବା ଗାଡକୁ ଥାନାକୁ ଆଣି କେଶ ଧାରା ୯୦/୨୦ ରୁଜୁ କରି ତଦନ୍ତ ଜାରି ରଖିଛି । ତେବେ ଡାକ୍ତର ଫେରାର ଥିବା ଜଣା ପଡିଛି ।
